Huif:Kategorien

Aus Wikipedia

De Seitn zoagt da wiast am bestn mid Kategorien umgeh soisd.

Olegn vo neie Kategorien[Werkeln | Am Gwëntext werkeln]

Wonst a neie Kategorie olegn wuisd, schau dass d' de foigndn Regeln eihoidsd.

Wos wead Kategorisiad[Werkeln | Am Gwëntext werkeln]

  • Artikel
  • Benutzerseitn üba de Babelvorlagen (optional)
  • Buidl (zua Einordnung nach Art des Buidls und da Lizenz, aba ned nach Thematik)
  • Diskussionsseitn (optional, füa interne Wartungszwecke)
  • Hilfeseitn
  • Listn
  • Portale
  • Vorlagn (siehe Huif:Vorlogn#Kategorisierung)
  • Weidaleitungen nua in a boa Fälle (siehe Hilfe:Weiterleitung#Kategorisierung)

Übaprüfungen[Werkeln | Am Gwëntext werkeln]

  • Schau obs ned scho a ähnliche oda gleiche Kategorie gibt, bevoasd a neie olegst.
    • Beispui: De Kategorie:Bayern gibts scho, donn brauch ma koa Kategorie: Bundesland Bayern mea.
  • Schau ob de Kategorie wirklich braucht wead, oda obs andane Lösungen gibt.

Namenswoi[Werkeln | Am Gwëntext werkeln]

Eisoatian vo Artikel[Werkeln | Am Gwëntext werkeln]

  • De Artikel erscheinan automatisch in da Kategorie, soboid im Artikel [[Kategorie:Kat-Name]] ogem wead.
  • De Artikel soin sinnvoi in de Kategorien eisoatiad wean.
  • Wenn voahandn, soi de Untakategorie wo am bestn zum Artikel bassd, gnumma wean.
    • Beispui: Minga soid dann in de Kategorie: Ort in Bayern weis am genauesdn bassd,
      de Übakategorie Kategorie:Bayern is do nu z' ungenau.
  • Wenn da Artikel in mera Kategorien bassd, kosd de olle ogem.
    • Bsundas bei Leid komma oft mera benutzn.
      Bsp: Kategorie: Mann; Kategorie: Deutscher; Kategorie: Wega dem a bekannt is...
  • Wenn da Artikel unta am andan Buachstam ois da Artikelnam in da Kategorie steh soid, kosd des mid [[Kategorie:Testkategorie|Wunschnam]] ändan. Ozoagt wead aba trotzdem da Seitnnam.
  • Wennst a Seitn in a Untakategorie drin hosd, dann soids ned a nu in da voaherigen Kategorie sei.

Begriffsklärungsseitn[Werkeln | Am Gwëntext werkeln]

Seitn wo de Vorlag Vorlage:Begriffsklärung benutzn, brauchd man koa Kategorie mea ogem. Da Artikel wead Automatisch in de Kategorie:Begriffsklärung eisoatiad.

Kategoriegräßn[Werkeln | Am Gwëntext werkeln]

Wann ma a Kategorie aufrüafd, wean maximal 200 Artikel und Untaseitn pro Seitn ozoagt. Wenn recht vui Seitn in da Kategorie san, soiad ma übalegn ob ned nu a boa Untakategorien sinnvoi wan. Bei recht wenig Artikel in a Kategorie soid gschaud wean ob de Kategorie wirklich sinnvoi is und de Seitn ned woanders bessa aufkom san.

Beschreibung in da Kategorie[Werkeln | Am Gwëntext werkeln]

In jeda Kategorie ko ma a Beschreibung vo da Kategorie ogem. Dea Text soi kuaz Erklärn wos ma do findt. De Kategorieseitn kinnan ganz normal beoawat wean, wia jede andane Seitn a.

Kategorisiarung vo Kategorien[Werkeln | Am Gwëntext werkeln]

Olle Kategorien san grundsätzlich Untakategorien da Hauptkategorie. Olladings soin nua Kategorien vo am ganzn Themenbereich in de Hauptkategorie eine. Ois Beispui san do: Kategorie:Geschichte und Kategorie:Wissenschaft. De andan Kategorien soin ois Untakategorien in de jeweiligen Kategorien eisoatiad wean. Kategorie:Physik is zwa a nu a großa Themenbereich khead aba zu de Wissenschaftn, und deswegn ois Untakategorie zua Kategorie:Wissenschaft

Zum Eisoatian in a ondane Kategorie muas nua ganz normal de Kategorie in da Beschreibungsseitn ogem wean. De Software zoagt dann de Kategorie ois Untakategorie o.

Sunstigs zu de Kategorien[Werkeln | Am Gwëntext werkeln]

Kat-Nam ohne Kategorisiarung[Werkeln | Am Gwëntext werkeln]

Wennsd de Kategorie ogem wuisd, ohne dass de Seitn glei in de Kategorie eisoatiad wead, kost des mid

[[:Kategorie:Kat-Nam]]

ogem. Wichtig dabei is, dass direkt nach de [[ da Doppepunkt kimmd. Damit is de Kategorie oklickboa, da Artikel wead aba ned in de Kategorie aufgnumma.

Umbenenna / Vaschiam vo Kategorien[Werkeln | Am Gwëntext werkeln]

Nua Benutzer dea Gruppn Administration kinnan Kategorien vaschiam. Wenn ma a Kategorie umbenenna mecht, komma aba einfach de neie Kategorie erstäin und olle Artikel auf de Neie umstäin. Danach muas nu a Löschantrag auf de oide Kategorie gstäid wean.

Listn vo Kategorien[Werkeln | Am Gwëntext werkeln]