Istanbul

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.
Istanbul
İstanbul city-5.jpg
Staat: Tiakei
Provinz: Istanbul
Geografische Lagn: Koordinaten: 41° 0′ 36" N, 28° 57′ 37" O 41° 0′ 36" N, 28° 57′ 37" O
Hächn: 40 m ü. NN
Flächn: 5.461 km²
Einwohna (aumtlich): 14.657.434
(Stand 2015)
Bevoikarungsdichtn: 2.684 Einwohna/km²
Telefonvorwahln: (+90) 212 (eiropäischa Tei)
(+90) 216 (asiatischa Tei)
Kennzeichn: 34
Stadtgliedarung: 39 Stodteile
Politik
Buagamoasta Kadir Topbaş (Adalet ve Kalkınma Partisi) AKP

Istanbul is de greaßte Stod vo da Tiakei und oane vo de ejtastn Städt, de wos heid no gibt. Friaa wors untam Nama "Byzanz" und "Konstantinopel" bekannt.

Eadkunde[VE | Weakln]

Istanbul liegt auf beide Seitn vom Bosporus, des is a Meerenge, de as Middlmeea mitm Schwoarzn Meer vabindt und Eiropa vo Asien trennt. De Stod liegt oiso auf zwoa Kontinent.

De zwoa Teile auf de vaschiedan Kontinent wern neba Fährschiff vo zwoa Hängebruckn vabundn. Auf dem Panorama-Photo unt sigt ma rechts de Bosporus-Bruckn (Boğaz Köprüsü), dahinta ligt de neiere Fatih-Sultan-Mehmet-Bruckn (Fatih Sultan Mehmet Köprüsü).

Sengswiadigkeitn[VE | Weakln]

Hagia Sophia (Ayasofya)[VE | Weakln]

De Hagia Sophia is 537 ois a orthodoxe Kirch baut worn. As werd zua de siebn Wöidwunda vom Middloita zejd. Fia guad 1000 Joar wars de mit Obstand greaßte Kirch auf da Wöid. As Hauptschiff hod eppaa de Flächn vo om Fuaßboi-Fejd, de Kuppl driwa is 56 Meta houch. Mit da Eaobarung vo Istanbul 1453 duach de Osmanen is zua na Moschee umbaud worn. Auf Oregung vom Kemal Atatürk, am Stootsgrinda vo da moderna Tiakei is de Hagia Sophia seit 1932 a Museum, werd oiso neama in am religiesen Sinn gnutzt.

Von Taksim zum Galata-Turm[VE | Weakln]

Taksim is oana vo de zentrain Platzln in Istanbul, kunt ma mim Stachus in Minga vagleicha. Vo do weg gehd a Einkaufsstraß zum Galata-Turm. Friara war de Gengd a Auslända-Viadl, voa oim italenische Händla hom do ihre Gschaftln ghobt. Desweng gibts do aa a katholische Kirch, Sankt Anton. Da Taksim-Platz sejm werd neba de Hochhaisa vo na orthodoxn Kirch, Hagia Triade prägt.

Ortaköy[VE | Weakln]

Des is a Viadl, des sie ois Zui fia Touristn wia fia Einheimische recht beliabt is. As gibt an Haufa Restaurants und Bars rund um de Moschee und ma hod an scheena Blick aufn Bosporus und aufd Bruckn.

  • Blaue Moschee (Sultan Ahmet Camii)
  • Dolmabahçe-Palast (Dolmabahçe Sarayı)
  • Süleymaniye-Moschee (Süleymaniye Camii)
  • Topkapi-Palast (Topkapı Sarayı)

Im Netz[VE | Weakln]

 Commons: Istanbul – Oibum mit Buidl, Videos und Audiodateien