Jack Casady

Aus Wikipedia
Jack Casady

Da Jack Casady (* 13. Aprui 1944 z Washington, D.C. ois John William Casady) isa US-amerikanischa Blues- und Rockmusika, Bassist vo Jefferson Airplane und Hot Tuna. Aa mid Grateful Dead oda mim Jimi Hendrix hoda gschbuid. Mim Hendrix isa ned grod gmoasam afdren, ea is aa af Electric Ladyland bam Liadl Voodoo Chile am Bass.[1] Da Casady guit ois oana da eiflussreichstn Bassistn vo da Rockmusegschicht.

Mid fiazea Joa hod da Casady an Jorma Kaukonen droffa, de zwe hom glei de Band The Triumphs grind. Mid 16 Joa schbuida ois Gidarist in vaschine Bands in de Clubs runduma Washington. Im Septemba 1965 hoidn da Kaukonen, der nemdro z Kalifornien schdudiad, za Jefferson Airplane. Duad gfinda sein fliassadn, melodischn Schdil. Boid guita ois da besde Inschdrumentalist vo Jefferson Airplane.

1970 hom da Casady und da Kaukonen de Band Hot Tuna grind, mid dera sans heid no af Tour. Aussadäm hoda no mid andan emoiign Band-Midgliedan vo Jefferson Airplane oda aa mid da KBC-Band zam gschbuid.[2]

2003 is sei oanzigs Solooibum Dream Factor afn Moakt kumma, wou aa bekannte Musika wia Matt Abts, Doyle Bramhall II, Steve Gorman, Warren Haynes und da Jorma Kaukonen mid afschbuin.[3]

Weia so bekannt is, hod de Inschdrumentnbaufiama Epiphone, a aigans Signatua Modej[4] entwoafa, an Bass mid Hoibresonanzkeapa, grod so wias da Jack Casady gern hod.

Beleg[Werkeln | Am Gwëntext werkeln]

  1. Aufnahmebeteiligungen von Casady
  2. Artikel zu Jack Casady bei allmusic.com
  3. Dream Factor bei allmusic.com
  4. Jack Casady Signature Bass bei epiphone.com. Archiviert vom Original [1] am 12. August 2014; abgerufen am 15. Juli 2014.

Im Netz[Werkeln | Am Gwëntext werkeln]

 Commons: Jack Casady – Sammlung vo Buidl, Videos und Audiodateien