Johannes-Nepomuk-Statue (Unterlaa)

Aus Wikipedia
Der Artikl is im Dialekt Weanarisch gschriem worn.
Statue vom Hl. Johannes Nepomuk aun da Sebastiansbruck'n

De Johannes-Nepomuk-Statue is a Bruck'n-Heulich'nstatue. Se steht im Valauf von da Unterlaaer Stråß'n beim Üwagaung in de Klederinger Stråß'n, aum südwestlich'n End von da Sebastiansbruck'n üwa'n Liesingbåch im 10. Weana Beziak Favoritn, Beziaksteu Unterlaa.

Baug'schicht'[Werkeln | Am Gwëntext werkeln]

De Statue vom Johannes Nepomuk steht auf an niadrich'n Sock'l und hoit des Kreiz im Oam. Bei an Autounfoi im Joahr 1977 is de Statue in Trimma gaunga, wobei da Kopf valua'n gaunga is und nimma meah g'fund'n wea'n håt kenna. Im Joahr 1978 håt ma's wiearum heag'stöit und aum 20. Mäaz aum oid'n Plåtz aufbaut.

Üblichaweis is da Johannes Nepomuk ois anzicha auss da Hl. Maria mit an Heulich'nschein doag'stöit, owa bei dera Statue föiht dea.

Legend[Werkeln | Am Gwëntext werkeln]

Nåch da Legende soi da Johannes Nepomuk[1] si g'weigat hau'm, dem behmisch'n Kenich Wenzel IV.[2] des Beichtgeheimnis zum ausplaudan. Ea hättat net såg'n woi'n, wås dem sei Frau, de Kenigin, eahm auvatraut håt. Drum hättat da Wenzel eahm von da Praga Koarlsbruck'n in de Moldau schmeiss'n låss'n. Seitdem güit da Johannes Nepomuk ois „Bruck'nheulicha“, ea is 1729 heulich g'sproch'n wua'n.

Da wiakliche Grund füa sei Hirichtung woa'r a politischa Konflikt mit'n Kenich Wenzel.

Literatua[Werkeln | Am Gwëntext werkeln]

im Netz[Werkeln | Am Gwëntext werkeln]

 Commons: Johannes-Nepomuk-Statue (Unterlaa) – Sammlung vo Buidl, Videos und Audiodateien

Beleg[Werkeln | Am Gwëntext werkeln]

  1. schaug bei Johannes Nepomuk
  2. schaug bei Wenzel (HRR)

Koordinaten: 48° 8′ 3,3″ N, 16° 24′ 51,8″ O