Zum Inhalt springen

Kastell Rengschbuach-Kumpfmühl

Aus Wikipedia
Des Kastell Rengschbuach-Kumpfmühl am Rätischn Doanalimes.


As Kastell Rengschbuach-Kumpfmühl woar a Remischs Hilfstruppn-Kastell an da Doana-Grenzn, des vo da Zeit umara 80 bis zou de Markomannenkriage um 172 dou gwen is,[1][2] und fir d'Grenzkontrolle zuständig woar. Ols Nachfolga vo de kloin-Kastelle vo da Claudischen-Linie vo Oberstimm bis Linz,[3] woar des Kastell Rengschbuach-Kumpfmühl - zamma mit dem Doana-Kastell, des in dem was heit d'oitstodt vo Rengschbuach is glenga woar - oine vo de easchten groußn Siedlunga im Gebiet vo Rengschbuach.[4]

In da mittn vo merane Verkehrswech woar des heitige Gbiet vo Rengschbuach, am neadlichsten Punkt vo da Doana, wichtich firn Handel.[5] Mittlfrankn, Obafrankn und da Boarische Wold, neadlich vo da Doana, han zou Remerzeitn bis zou de Markomannenkriage niad dicht bsiedlt gwen, und san desweng vo de Rema ols niad gfährlich ogseng worn.[6]

D'easchte Hilfstruppn im Kastell Rengschbuach-Kumpfmühl woar dej Cohors III Britannorum equitata, umara 120 hat de Cohors I Flavia Canathenorum milliaria sagittariorum des Kastell greßer gmacht, und is dabliem bis zou da Zeit um 150, wou dej nach Straubing ganga is, und de Cohors II Aquitanorum equitata civium Romanorum bis zou de Markomannenkriage da stationiert worn is.[7]

Gschicht vom Kastell Rengschbuach-Kumpfühl

[Werkeln | Am Gwëntext werkeln]

D'easchtn Hilfstruppn-Kastelle im Gebiet vo Rengschbuach wern zou da Regierungszeit vom Claudius dou gwen sei, a wenn des nur a Hypothesn is, vo dera ma si no niad ganz gwiss is. Vo Obastimm bis Linz woarn kloin-Kastelle an da Remischn Grenzn installiert, vo dene ma zwoa an da Mündung vo Naab und Reng, im heitign Rengschbuach vermuta tout.

  1. Dienz, Karlheintz; Fischer, Thomas, Regensburg zur Römerzeit: Von Roms nördlichster Garnison an der Donau zur ersten bairischen Hauptstadt, S. 50–53 Verlag Friedrich Pustet, Rengschbuach, 2019
  2. Dienz, Karlheintz; Fischer, Thomas, Regensburg zur Römerzeit: Von Roms nördlichster Garnison an der Donau zur ersten bairischen Hauptstadt, S. 74–76 Verlag Friedrich Pustet, Rengschbuach, 2019
  3. Dienz, Karlheintz; Fischer, Thomas, Regensburg zur Römerzeit: Von Roms nördlichster Garnison an der Donau zur ersten bairischen Hauptstadt, S. 41 Verlag Friedrich Pustet, Rengschbuach, 2019
  4. Dienz, Karlheintz; Fischer, Thomas, Regensburg zur Römerzeit: Von Roms nördlichster Garnison an der Donau zur ersten bairischen Hauptstadt, S. 45 Verlag Friedrich Pustet, Rengschbuach, 2019
  5. Dienz, Karlheintz; Fischer, Thomas, Regensburg zur Römerzeit: Von Roms nördlichster Garnison an der Donau zur ersten bairischen Hauptstadt, S. 44, Verlag Friedrich Pustet, Rengschbuach, 2019
  6. Dienz, Karlheintz; Fischer, Thomas, Regensburg zur Römerzeit: Von Roms nördlichster Garnison an der Donau zur ersten bairischen Hauptstadt, S. 39 und 41–43, Verlag Friedrich Pustet, Rengschbuach, 2019
  7. Dienz, Karlheintz; Fischer, Thomas, Regensburg zur Römerzeit: Von Roms nördlichster Garnison an der Donau zur ersten bairischen Hauptstadt, S. 58–60, Verlag Friedrich Pustet, Rengschbuach, 2019