Käia
A Käia (dt. Keller), aa Kella oda Kölla, isa Untagschoss fo am Haisl. Friaras isa Käia wichde gwen, weisd ois wosd ned glei hosd essn kinna, duad afkom hosd.[1] Weis in Käia fui käida ois wia om gwen is. Desis frale heid anoaso, owa nimma so wichde wia domois. An Eiskostn hod domois koana kod und ofd aa koan Schdrom dazua.
Gschicht[Werkeln | Am Gwëntext werkeln]
Doife und ned so doife Käia hods gem. Doife Käia, glei iwa mera Schdegg, homd Biabraua und d Wiatshaisa kod.De homse aa no dazua, Eisblegg owedrong lossn, dema im Winta diagad fo am dagfreadn Sää aussagsaagld kod hod. Damids Bia bis iwan Summa ausse, oiwei gleich koid gwen is. In de doifn Käia hom se de Leit aa im Griag foschdeggd kod und in da Stod hod ma grod fian Griag doife Käia baud kod. De hod ma Lufdschutzkäia koassn.
In de Haisa, odara Bauanhof, hodma ofd ned so doife Käia kod. Eadebfe, Ebfe, Zwiefe, Ruam, owara Koin und Hoiz hodma duad owedrong kod. Ara Woschkuchl is ofd in de Käia unt gwen.
In da Wachau, im Weihviadl oda im Burg'nland wo de Draum woxn kimt da Weih owe und wiad unt glogat. Des is no a Weihkäia.
Schau aa[Werkeln | Am Gwëntext werkeln]
Beleg[Werkeln | Am Gwëntext werkeln]
Im Netz[Werkeln | Am Gwëntext werkeln]
Commons: Käia – Sammlung vo Buidl, Videos und Audiodateien