Ketztinga Pfingstritt

Aus Wikipedia
(Weidagloadt vo Ketzinga Pfingstlritt)
De Kira vo Stoabihi, s Zui vom Ketztinga Pfingstritt

Da Pfingstritt z Ketzting oda Ketzinga Pfingstlritt (Kötztinger Pfingstritt) zejd za de gresstn Reidaprozessiona vo Eiropa. De Bittprozession geht af a Glebnis ausm Joar 1412 zruck. Seit dem ziagn Joar fia Joar am Pfingsmonda eppa 900 Reida in Trochtn vom Boarischn Woid, af aussaputztn Ressan, vo Ketzting duachs Zellatoi af Stoabihi.

Ursprung[Werkeln | Am Gwëntext werkeln]

Stoabihi is am Ofang vom 15. Joarhundat in de Pforrei Ketzting eigliadat worn. Dea Weg wor fia de domolige Zeit weit und gfeale. Deshoib hod da Pforra vo de Buama in da Gmoa Schutz ogfordat. Spada is da Ritt ois Eainnarung an de Zeit Joar fia Joar wiedahoit worn.

De Reidaprozession[Werkeln | Am Gwëntext werkeln]

De Reida wead vom Kreiztrega ogfiaht. Danoch keman de Laternentrega, de Fanfarnblesa un da Geistliche Offiziator mit Mesna und Ministrantn. Hinta eam reidn da Pfingstbraitigam mit dena Brautfiahran. Drauf foign da Pfingstlbraitigam vom Vorjoar mit seine Brautfiahra un de Vatretung vo da Burschnschaft. Dann keman de ibrign Reida. De Bittprozession mocht afn Weg viamoi Hoit (via Evanglien-Stationa) und da Offiziator vakindd s Evangelium und segnet mit da Monstranz de Flurn.

In da Woifoartskira St. Nikolaus z Stoabihi is nacha da Reidagottesdienst. Uma zwejfe gehts dann wieda zruck af Ketzting. In da Stod gibts an Festakt un an eicharistischn Segn. Nacha wean de Tugendkranzaln ibareicht, des wo a Auszeichung fia langjaarige Pfingstlreida is. Zan Schluss vo de religiesn Zeremonien gibts a "Te Deum" (Gottlob).

Pfingstlkranzal[Werkeln | Am Gwëntext werkeln]

Dees Tugendkranzal, aa Pfingstlkranzal gnennt, is a Filigranorbat aus Goid- un Suibadroht. Wearend am Ritt trogts da Geistliche Offiziator an da Monstranz. Am End vom Pfingstlritt wead s Tugendkranzal am Stodplotz am Pfingstlbraitigam ibareicht. Dees is da gresste Stoiz vo an jedn Ketztinga.

Pfingstlhozat[Werkeln | Am Gwëntext werkeln]

Da Pfingstlbraitigam deaf si noch seina Eanennung sejm a Pfingstlbraut un zwoa Brautfiahra auswejn. Wen da Pfinglsritt firti is, wean de Ketztinga Burschn in seim Ejtanhaus bewiadt. Am spodan Nachmitdog wead de Pfingslbraut zan Burschn un Brautzug duach de Stod oghoit. Am Obmd wead in da Wiatschaft de symbolische Pfingsthozat gfeiat.

In da Gschicht vom Pfingstritt is oba scho efta vorkema, dass dees nua a Vorspui za oana echtn Hozat wor. So wias aa in da Novelln vom Miachael Schmitt, vulgo Woidschmidt, "Die Pfingstelbraut" beschriebm is.

Im Netz[Werkeln | Am Gwëntext werkeln]