Middlmeea

Aus Wikipedia
(Weidagloadt vo Mittlmea)
Zur Navigation springen Zur Suche springen
s Middlmeea

As Middlmeea (Mittelmeer) (lateinisch : Mare Mediterraneum), is a Meea zwischn Eiropa, Afrika und Asien. Im Arabischn und Tiakischn weads aa ois: „s weiße Meea“ (البحر الأبيض‎ / al-baḥr al-abyaḍ bzw. tiak.: Akdeniz ) gnennd.

Zamm mid de drin liegndn Insln und de Ufaregiona vo Sideiropa, Voadaasien und Noadafrika buidd as Middlmeea an Middlmeearaum, dea wo a oagnas Klima hod und vo oana oagnan Flora und Fauna pregd is.

Eadkund[VE | Weakln]

As Middlmeea hod a Fläch vo 2,5 Mio. km², da Rauminhoid is 4,3 Mio. km³. Im Calypsotiaf hods a maximoie Tiafn vo 5.267 m.

Geologie[VE | Weakln]

As Middlmeea is a Iwarest vo da Tethys, om Urozian wo iwa de gonze Wejd greichd hod und uaspringli an Uakontinent Pangäa umschlossn hod. Wias Pangäa ausanondagrissn hod und draf de Afrikanische Plottn af Noadn gwondad is, is so s Middlmeea buidd worn.

Voa eppa 7 Milliona Joar is's Middlmeea voistendi ausdrickad, wei da Meearesspiagl weng ana Eiszeid uma eppa 50 Meta gsunkn is.[1] As Gebiet is za ana Soizwiastn worn (riesige Soizlogastettn lieng heit no om Meearesgrund van Middlmeea). Eascht a poa tausnd Joar spada is's Middlmeea duachn Atlantik wieda afgfuijd worn.

Klimawondl[VE | Weakln]

As Middlmeea is vo da globaln Eaweamung stoak betroffa. So hom Forscha seit Middn van 20. Joarhundad an Ostieg van Meearesspiagl festgstejd. Da Ostieg hod se ob de 1970a Joar weida bschleinigd und liegd zua Zeid ba 2,5 bis 10 mm pro Joar. De Wossatemparatua is emfois signifikand ogstieng.[2]

Beleg[VE | Weakln]

  1. FAQ zur Geographie Europas
  2. „Warning on rising Med Sea levels“ (BBC-News om 19. Jenna 2007, englisch)

Literatua[VE | Weakln]

  • Robert Hofrichter: Das Mittelmeer, Bd. 1: Allgemeiner Teil. Spektrum Akademischer Verlag, 2002, ISBN 3-8274-1050-9.
  • Robert Hofrichter: Das Mittelmeer, Bd. 2/2: Bestimmungsführer. Spektrum Akademischer Verlag, März 2006, ISBN 3-8274-1170-X.
  • Manfred Leier: Weltatlas der Ozeane – mit den Tiefenkarten der Weltmeere. Frederking und Thaler, Minga 2001, ISBN 3-89405-441-7, S. 226–241.

Im Netz[VE | Weakln]

 Commons: Middlmeea – Sammlung vo Buidl, Videos und Audiodateien

3518Koordinaten: 35° N, 18° O