Monks Mound

Aus Wikipedia
Monks Mound

Monks Mound (boar. Menchmugl) is da gresste präkolumbische, vo Menschn gschoffane, Bichl bzw. Mugl (engl. Mound) in Noadamerika neadli vo Middlamerika.

Monks Mound liegt in de Ruinan vo da ehmolign Stod Cahokia (heit: Collinsville, Illinois), ebba 11 km estli vo da Innenstod vo St. Louis), in da Middn vo 60 kloanan Eadbichl. Monks Mound is in via Terrassn afbaut bis auf 30 m Heh, deshoib ko ma bei dem Eadbichl aa vo ana Eadpyramidn redn. De Läng is 220 m, de Broadn 170 m und enthoid 700.000 m³ Eadn. Wei da Eadbichl duach Erosion woascheinli scho teiweis obtrong is, is de ehemolige Heh ungewiss.

Woascheinle woa da Eadbichl in da Mississippi-Kultur in da Stod Cahokia a Kultstettn. Af de Terrassn woan meglichaweis vaschiedane Bautn, af da Plottfoam ganz om a Tempe.

Da heitige Nam stommt woascheinli vo Menchn, de wo in jingara Zeit do gsiedlt hom.

Schau aa[Werkeln | Am Gwëntext werkeln]

Beleg[Werkeln | Am Gwëntext werkeln]

Literatua[Werkeln | Am Gwëntext werkeln]

Im Netz[Werkeln | Am Gwëntext werkeln]

 Commons: Monks Mound – Sammlung vo Buidl, Videos und Audiodateien

Koordinaten: 38° 39′ 37″ N, 90° 3′ 44″ W