Naturpark Truadna Horn

Aus Wikipedia

Da Naturpark Truadna Horn is a Naturpark sidle vo Bozn in Sidtirol. Zum Naturpark ghert da Toigrund und s Truadna Horn. De Landschoftsbuida san entsprechend vuifoitig und reichn vo submediterran bis oipin.

Da Natrupark hod a Fläch vo 68,6 Quadratkilometa und geht vo ana Heh vo 300 - 1.700 m iban Meerespiagl vo da Adria. Da Gipfe vom Truadn Horn liegt bei 1817 Meta. Begrenzt wead da Naturpark im Noadn durch de Auslaifa vom Fleimstoi (Provinz Treant), im Siidostn durchs Cembratoi (Provinz Treant) und im Westn durchs Etschtoi zwischn Neimarkt und da Salurna Klause. Zum Park ghean de Gmoana Altrei, Montan, Neimarkt, Salurn und Truadn.

90% vo da Fläch vom Naturpark san Woid, deshoib redt ma aa vom "Park vo de Waida". Geomorphologisch treffa im Park zwoa Gebiete zamm: Dolomit (Koich; da Hang zum Etschtoi) und Quarzporphyr (Urgstoa), des wo aa zu ana untaschiedlichn Vegetation vo dena Gegendn fihrt. Es gibt do vui rare Pflanzna und Viechaartn.

As Naturparkhaus is in ana saniatn elektrischn Miih untabrocht, de wo etz wieda funktionsfähig is. Auf drei Stockwerkn kriagn de Bsuacha do Infos iba de Landschoftn im Naturpark, de Wandertourn und iba de Kuiturgschicht vo da Gegend. In da Außnolog vom Naturparkhaus gibs an Amphibienteich, an Kraitagartn und a kloans Droadfejd.

Beleg[Werkeln | Am Gwëntext werkeln]