Nix Gwiss woass ma ned

Nix Gwiss woass ma ned (nix gwiß woas ma ned), is a bekannta boarischa Spruch.

Da Ausdruck kimmt vum Finessenseppal (1763 - 1828), an obaboarischn Originai, Postillon d'Amour, Stodnorrn und Oatsheilign z Minga.

"Nix Gwiss woass ma ned" wor de legendäre Antwort vum Finessenseppal af olle Frogn. Ois Liabesbriafdroga hod a scho iba vui Sochan Bscheid gwisst, immahin wor a da Vatraute vo de hechan Herrschoftn z Minga, vo da domolign Schickimicki. Oba da Seppal wor schlau gmua, dass a gwisst hod, dass mas mid Diskretion weida brigt und so a bessas Lem hod ois wie a Ratschkathl.

Schau aa

• Boarische Spruchsammlung

Beleg

• Ulrich Holbein: Narratorium - Lexikon. Amman Verlag, Zürich 2008. ISBN 978-3-250-10523-7