Nutza:Da guade oide aero
As oide World Trade Center (WTC)
[Werkeln | Am Gwëntext werkeln]As oide World Trade Center (WTC) is a gigantischa Komplex aus 7 Gebäudn im Finanzviatl vo Lower Manhattan in New York City gwesn. Es is am 4. Aprui 1973 aufgmacht woan und bei de Aschläg vom 11. Septemba 2001 zsam gfoin. Ois' aufgmacht woan is, war as 1 World Trade Center (da Noadtuam) mid ana höe vo 417 Meta und as 2 World Trade Center (da Süadtuam) mid 415,1 Meta de hechsten Heisa af da Weid. Unta de andan Gebäudn war as Marriott World Trade Center, aiso as 3 WTC, as 4 WTC, 5 WTC, 6 WTC und as 7 WTC. Da ganze Komplex hod guade 1.240.000 Quadratmeta Büroflächn ghobt und soiad 130.000 Leid untabringa.
Da Keankomplex is vo 1966 bis 1975 füa guade 400 Millionen US-Dollar baud woan. De Idee is vom David Rockefeller voagschlong woan um'd Stodernaiarung ozumreng und sei Bruada, da Nelson, hod as Gsetz füan Bau untaschrim. Olle Gebäude san vom Minoru Yamasaki entwoafn woan. 1998 hod dann d'Hafnbehörde vo New York und New Jersey bschlossn, eanan Hafn zu privatisian, indem se die Gebäude zua Vawoitung an a privat's Untanehmn vapachtet hod. Im Juli 2001 hom's an Mietvatrog an Silverstein Properties gem. Während seina Existenz od as World Trade Center de Globalisiarung und an wiatschaftlichn Woestand vo da USA symbolisiad.