Nutza:Kazu89/Vesna Pisarović
D' Vesna Pisarović (* am 9. Aprü 1978 z'Bertschko, Jugoslawien, haid Bosnien und Herzegowina) is a kroatische Sängarin und Komponistin.
Ihr Lêm
[Werkeln | Am Gwëntext werkeln]D' Vesna Pisarović is 1978 z'Bertschko gebohrn worn. Waj s' drai Jåhr åid wår, is s' mid ihre Öüdan nåuch Poschegg (Kroatien) zong. Nåuchdeam d'Vesna d'Owaschui erfoigraich ågschlossn håud, håud s' an da Universität vu Agram Philosophie schdudierd und is Gymnasiallehrarin fir kroatische Schbråuch und Phonetik worn.
Musikalische Laufbahn
[Werkeln | Am Gwëntext werkeln](Ob se dåu a boarischare Iwaschrifd find?)
Ihr Gsangsdebüt håud s' mit 19 Jåhr ghabd. Afm Zagrebfestivöü håud 's in Titl „Da znaš“ (Wennst Du wissast) - a Coverversion vu da Laura Pausini ihrm Lied „Non c'è“ - gsunga. Danåuch san meija Aftritt kumma und ihr Debütajbum „Da znaš“, wås mid Süwa auszaichned worn is. Ihr zwoads Ajbum „Za tebe stvorena“ (Fir Di daschaffa) is sogår mid Goid auszaichned worn. D' Single „Jutro donosi kraj“ is 2001 zum Sommahit in Kroatien worn.
2000, 2001, 2002 und 2005 håud s' am bekanntn kroatisch Musikfestivöü Dora tailgnumma, wås aa da kroatische Vorausschaid zum Eurovision Song Contest is. Dåu håud s' 2000 mid ihrm Titl „Ja čekam noć“ (I watt af d'Nåchd) in 6. Plåtz daraichd. A Jåhr schbeida is midm Titl „Za tebe stvorena“ (Fir Di daschaffa) afn 4. Plåtz kumma.
2002 håud d' Vesna in kroatischn Vorentschaid gwunna und is fir ihr Land baim Eurovision Song Contest aftrên. In da kroatischn Vorentschaidung håud s' ihr Lied „Sasvim sigurna“ (Absolud sicha) in da Landesschbråch gsunga, baim intanationöün Wettbewerb åwa af english, „Everything I want“. Sie is afn öüfdn Plåtz kumma.
Im glaichn Jåhr håud s' aa ihr dritts Ajbum „Kao da je vrijeme“ (Ajs waj wenn's Zaid waar) rausbråuchd, wås ihr Debütajbum z'Mazedonien, Montenegro und Serbien wår. Nåuch deam Ajbum håud die bis dåuhî erfoigraiche Zsamma'oawad mid ihre Produzentin und Komponistin Milana Vlaović afgheerd.
Nåuch ihrm vierdn Ajbum „Pjesma mi je sve“ (As Lied is åis fir mi), aus deam wåu bsundas as Lied „Ljubomora“ a gråßa Erfoig worn is, håud s' 2003 zwoa vaschiedne Versiona vu ihrm Best-of-Ajbum rausgêm. Z' Kroatien is a Version mid 12 Lieda vaöffntlich worn. In Bosnien und Herzegowina und in de Lända, wåu s' mid ihrm drittn Schdudio-Ajbum ihr Debüt ghabt håud, is a Version mid 18 Lieda rauskumma.
Am Énd vum Jåhr 2005 is ihr fümfds Schdudio-Ajbum „V. Peti“ (As Fümfde) kumma. Fir des Ajbum håud s# ned bloß zum erstn Maj alle Lieda söüwa gschriem, sie håud newam Pop aa mid vaschiadane Stile waj Electro Sound, Jazz, Folk und Rock experimentiad.
Dabai san insgesamt achd ganz vaschiedna Lieda zur Promotion aus deam Ajbum vaöffntlicht worn.
In de letztn Jåhr håud d' Vesna meja Lieda fir sich und andare Intapretn gschriem. Sie håud aa in bosnisch-herzegowinischn Beitråg firn Eurovision Song Context „In the Disco“ gschriem, der wåu vu Deen intapretierd worn is.
2006 håud d' Vesna mid ihrm Lied „Imam sve, al' tebe ne“ am Festivöü „Zlatne žice Slavonije“ z'Požega tailgnumma. Der Song is af Plåtz 1 in de kroatischn Top 10 kumma.