Nutza:Luki/VIakanta - Viakanthof (Vierkanthof)

Viakanta - Viakanthöf ( Vierkanthöfe )

De Viakanta san a bsundare Fuam vo de Bauanhöf. Se san im gaunz deutschsprochign Raum aztreffn. Oba niagans so heuffi wia im niedaöstarreichisch Mostviatl und in Owaöstareich im Traun- und im Hausruckviatl. Se san scho recht wuchtige Awesn, mid bis an de 365 Fensta ( Viajohreszeitnhof, St. Florian). Se hom a Seitnläng vo uma 25 m bis üwa 60 m.

http://bar.wikipedia.org/wiki/Datei:Viakanta_Summerauerhof,_Noadseitn._Vuan_da_Wiadschaftstrakt,hintn_a_Wohnteu.JPG

Vuagschicht

De Baufuam hod se east spat entwückid . De Höf woan zeascht Poahöf oda Hocknhöf und de Meistn san eascht noch da Bauanbefreiung umbaut woan. De Ödan woan woascheinli de Meiahöf vo de Klesta und de Stift und san so vo uma 1770 umbaut woan. De Bauanhaisa san escht noch da Bauanbefreiung, ob da Mittn vum18. Joahundat oda aa east im 19. Joahundat umbaut woan.

S`fuabüd woan woascheinli de Klosta- oda Schlessabautn, oba da Grund dafia woa owa aa Wiatschoftliga . Ma hod ois in an Bau ghobt und woa a in da koidn Zeit im Innanhof voan Weda bessa gschizt. Das mas zweng da Weahoftigkeit so baut häd, hoid i fian Bledsin. Den ois Schuz voa de Ungarn oda de Panduan, do san de Haisl zspot umbaut woan. Und Zwoatns, homs jo a nu laung de Stodlseitn ( Scheinenseitn) nua mid Hoizlottna ( Loawänd zweng an Heitrokna) zuagmocht ghobt. Und wia hed ma des Vateidign soin?

http://bar.wikipedia.org/wiki/Datei:Meierhof_des_Stifts_Sankt_Florian,_Hohenbrunn..JPG

Viakanta

Des bsundare Mekmoi vo de Höf is das eana Fuam a Rechteck büt, mid via Eckn. Es gibt so anliche Bauanhöf, wia de Dreiseithöf, de Eispringa oda a Doppöeispringa, de reglmassign und unreglmassign Viaseithöf oder de offna Viaseithöf . Owa des san olle koane richtign Viakanta . http://bar.wikipedia.org/wiki/Datei:Unreglm%C3%A4%C3%9Figer_Vierseithof.jpg

Weu de Bauan im eatrogreichn Oipnvualaund imma reicha wuan san, homs de oidn Höf umbaut. Se woitn a Ois in an Haisl hom, dahea hods uma 1880 in Owaöstareich scho uma 8500 Viakanta gebn. Bis in d`Mittn von 20. Joahundat san nua uma 2000. dazuakema.

Da Baufuascha Rudolf Heckl hods amoi ois ane dea eafoigreichstn Ghöftfuaman da Wöd bzeichnt.

Und Heit?

Aus da Owaöstarreichischen Laundesgschicht. http://www.ooegeschichte.at/themen/wir-oberoesterreicher/wir-oberoesterreicher/die-vierkanter/?no_cache=1&print=1

Atüki von Baufuascha Rudolf Heckl: http://anton-bruckner.heimat.eu/die_maechtigen_vierkanter.htm

--Luki 20:28, 7. Jun. 2013 (CEST)