Nutza:Moaxn/Borgward
| Borgward-Werke AG | |
|---|---|
| Rechtsfoam | GmbH (bis 1961) AG (seit 1961)[Anm. 1] |
| Grindung | 1939 |
| Liquidation | 1963 |
| Liwuidationsgrund | Insoivenz |
| Siitz | Bremen, Deitschland |
| Loatung | Carl F. W. Borgward |
| Midorwata | fast 23.000 (End vo de 1950er) |
| Branchn | Automobilindustrie |
Borgward is a deitscha Autoherstella gwen, der wo von Carl F. W. Borgward grindt woan is. As Unternehma is zwischn 1919 und 1961 aktiv gwen. An Jåhr 2018 ham chinäsische Investorn de Markn wieder auflem låssn, nåchdem's vor an Enke de Rechte dawoam ham.
Da Blitzkarren is as erste, 1924 produzierte, Fahrzeig gwen, wås da Carl Borgward entworfa håd. Ois gloane Liefawång mit drei Rall und an 2 PS Modor (1,5 kW) is des Fahrzeig a Erfoig gwen. Sowoi de Reichsbost, ois wiar a gleanane Hendla hamd'n ois Liefawong hernumma. An Fäbruar 1937 hams as Modell Hansa Borgward 2000 aussabrocht und 1939 ham'sn grod no unda Borgward 2000 vodrim. Den Modell is danoch da Borgward 2300 gfoigt, wos nochan bis 1942 aso produziert woan is. Wia da zwoade Wäidkriag goa gwen is ham's an Borgward Hansa 1500 vorgstäid und 1954 nochan an Borgward Isabella. [1]
Da Isabella is seit da Produktion 1954 as beliebtaste Auto vo Borgward woan und des is bis zun Schluss, oiso bis zu da Aufläsung von Unternehma, produziert woan. An Johr 1959 ham's midn Borgward P100 a neis, innovativs pneumatischs Federungssystem aufn Moak brocht. [2]
De Borgward Gruppn hod unda vier Automarken produziert: Borgward, Hansa, Goliath und Lloyd.
Modella
[Werkeln | Am Gwëntext werkeln]Borgward hod Automobil, Buss, Militärfahrzeig, Lostweng und Helikopter baut.
Finanzielle Problema
[Werkeln | Am Gwëntext werkeln]Wia dådmois de andan groußen Automarkn wia da VW oda da Opel aufkemma han und dia Skaleneffekte vor an wåchsndn Markt gnutzt ham, dass de Preise senken und Marktanteile gwingan, håd da Borgward den Sprung vosammt. Vor ållem wei de vier Markn unda dene wos produziert ham wia undaschiedliche Hersteller goabad ham. Es håd koa gemeinsame Entwicklung oda Bauteilvowendung, wås zu Kostnvorteile fian hädd kina.
Betriebsschliassung
[Werkeln | Am Gwëntext werkeln]Aufgrund von Gleibigabeschluss, is da Borgward ois Unternehma 1961 zwangsaufgläst woan. Da Carl Borgward håd bis zu sein Doud an Jåhr 1963 drauf bstandn, da technisch gseng de Firma solvent gwen is. Nåchdem's de Gleibiga auszoid ham, han ea no 4,5 Milliona Mark blim.
Hanomag håd as Stammwerk z'Sebaldsbrück ibanumma. Då han nåchan Kloatransporter, leichte LKW und Baumaschina baut woan.
Rickkehr
[Werkeln | Am Gwëntext werkeln]
Ofang 2018 is Borgward zruck af sein Ursprungsmoak Deitschland kemma. Aussadem hams in andane eiropäische Lenda, sowia Lateinamerika und Indien ogfangt de Markn wieda zun vodreim[3]. As chinäsische Unternehma Beiqui Foton Motor håd 2015 de Markenrecht' kafft und sowoi das Modell BX7 ois ar andane Modell baut. An Jåhr 2021 hams ollerdings Insolvenz ogmäid.
Borgward in Deitschland
[Werkeln | Am Gwëntext werkeln]Borgward in Spanien
[Werkeln | Am Gwëntext werkeln]Um 1960 håd as spanische Unternehma Iso Motor Italia S.A., de wo scho a Lizenz fiad' Produktion in Spanien fias Isetta Modell ghåd ham, midn Borgward a Ibaeikuft droffa, dass Iso Borgward Española S.A. an Madrider Stådteil Carabanchel grindn.
Borgward in Mexico
[Werkeln | Am Gwëntext werkeln]1961 is as Unternehma bankrott gwen und 1963 han ålle Maschina, de wo ma braucht hod fiad' Produktion von Borgward Isabella auf Mexiko vokafft woan. Då is dann vo mexikanische Unternehma no bis 1970 weidaproduziert woan.
Borgward in Argentinen
[Werkeln | Am Gwëntext werkeln]Da Borgward Isabella is ar in Argentinien hergstäid woan. Då is-a relativ beliebt woan, wega sein guadn Obschnein bei Autorenna de wo dådmois recht vobroat gwen han. Da Borgward is auf da Rennstreck boid unschlågbar gwen, aba a de Berg håda gschwächelt.
Wettbewerba
[Werkeln | Am Gwëntext werkeln]24 Stund de Le Mans
[Werkeln | Am Gwëntext werkeln]Fia des Renna, wos 1953 as erste Moi middo ham, håd da Carl Borgward extra drei gleiche Coupe hergricht. As Heck von Hansa 1500 håda aerodynamischer gmacht und håd aso 90 PS aus den gloane Modor mit vier Zylinder aussadruckt. De erste Teilnahm an Wettbewerb is a Entteischung woan.
Forme 1
[Werkeln | Am Gwëntext werkeln]Borgward ois Markn håd drei Moi a da Forme 1 middo. As erste Moi is bein Groussn Preis vo Groußbritannien an Jåhr 1959 gwen. Spada, 1962 und 1963 håd da Deitsche, da Kuhnke Kurt, mit sein Lotus 18-Borgward an zwoa Renna teilgnumma. [4]
Rally Dakar
[Werkeln | Am Gwëntext werkeln]Erst an Jåhr 2018 håd a Borgward as erste Moi bei da Rally Dakar mid do. 2020ge hans as dritte Moi mid gstart, mid an Borgward BX7 [5].
Referenzfehler: Es sind <ref>-Tags für die Gruppe „Anm.“ vorhanden, jedoch wurde kein dazugehöriges <references group="Anm." />-Tag gefunden.
- ↑ Borgward: Eine (kurze) Bremer Erfolgsgeschichte. Abgerufen am 3. Januar 2025.
- ↑ Unsere Geschichte. Abgerufen am 3. Januar 2025.
- ↑ Borgward vokind an BX7 fia Eiropa. Abgerufen am 31. Dezember 2025 (spanisch).
- ↑ Motor Borgward STATS F1. Abgerufen am 14. Juni 2019.
- ↑ Nani Roma nimmt midn innovativen Borgward Projekt a da Rally Dakar teil. Abgerufen am 4. Januar 2020 (spanisch).