Nutza Dischkrian:Prinz1990

Servus

Griaß Di Prinz, es gfreit mi daß'd in da Boarischn Wiki mitduast und scho a boor Artikl gschribm host. Wos ma weniger gfoit san Kommentare wia "Hannes is a" und "Dem Lilalaune Bär gefällt seine Laune sehr !!". Ma soit in da Wiki neamads beleidigen und es muaß aa net auf Krampf "luschtig" ausschaugn. Des mit da Lilabärenlaune is zwar net schlimm und des mit'm Hannes is woi aa net aso bes gmoant gwen (host es ja wieder glescht) oba bittscheen bleib beim Artiklschreibm ohne sejchane Sachan. Servus --Roland 23:55, 18. Sep. 2007 (CEST)

I schliaß mi da am Roland o. I los Deine Artikl vorerst amoi so steh und hof, daß das no vabesserst. Des mit de Mehrzoi vo Epfe hod doherin nix valorn, wei des koa Wertabuach ned is. Und da Grundartikl Opfe hed scho mehra Text vadient. Vui Spaß no, --Florian Schott 09:55, 19. Sep. 2007 (CEST)

Griaß Di Prinz, i hob Deine Artikl aa genau oogschaugt und aa einiges dro vabessat, wos ma so ned lossn hod kenna. Schaug da bittschee o, wos mir an Deine Artikl gmacht ham, damitstas beim naxtn Moi bessa machn konnst. Zum Beispui muasst Du im Artikl Boarischa Woid ned auf den Hochdeitschn Artikl hiweisn, der is in da Navigation links scho zum seng. Wann Du an Kommentar host, zum Beispui dassd no weita arbatn wuist, gheart der aa ned in den Artikl nei, sondan auf de jeweilige "bschprecha"-Seitn. Insgsammt gfoit mir des guat, wia Du Dein Dialekt schreibst, oba schaug bitte auf de Grammatik, oiso Groß- und Kloaschreibung, Kommas, Satzzeichn ibahapts. Do geitn de seim Regln wia im Hochdeitschn. Weil Dei Sproch schee ausgfoin is, waars a guad, wannst dazuaschreibst, aus weicha Region dass de Sproch kimmt. Des machst mit da Vorlage:Dialekt-oben. Wia des genau geht steht in da Wikipedia:Hilfe. --Libellulia 21:24, 19. Sep. 2007 (CEST)

No wos: es gibt im boarischn koan Genitiv! Schaug da bitte Boarische Grammatik (Genitiv) oo, und vagleich bitte mei Version vo Herbst mit da Dein. Du host lauta Genitive drinad ghobt. Leg bitte aa fia an jedn Artikl, denst schreibst, an redirect vo da hochdeitschn Schreibweis o. --Libellulia 21:30, 19. Sep. 2007 (CEST)