Patrick Volkerding

Aus Wikipedia
Patrick Volkerding auf da LinuxWorld 2000 in NewYork City

Patrick Volkerding (* 1966) is da Gründa und Maintainer vo Slackware - Linux. Ea is vaheiradt und läbt in Kalifornien. Volkerding hod 1993 sein Bachelor in Information an da Universität Minnesota in Moorhead, USA, erwoam.

Fia a kuaze Zeit ham eam Chris Lumens und andane bei da Oawat an Slackware khoifa, aba seid a boa Joa machda wieda ois alloa. Patrick Volkerding, vo Slackware-Fans a oafach Pat oda sejtna The Man gnannt, is, im Gengsatz zu andane „Persönlichkeiten“ da Open-Source-Community, rechd aktiv in Newsgroup-Diskussionen oda teiweis im IRC. A weidana Untaschied zu vui andane Maintaina vo Distributionen is sei Oawatsweis an Slackware: Ea vawoidt sejba de Paket, de ind offiziäe Distribution eibundn wean. Drüwa hinaus bstimmt ea de Release-Zyklen alloa und trifft a de Richtungsentscheidunga sejba. Volkerding is vo da Community stoak kritisiad woan, oisa bei gräßane Desktop-Umgebunga de komplette Ausbündelung vo GNOME und de alloanige Untastützung vo KDE in Slackware okündigt hod.

Ende 2004 hoda d' Oawat an Slackware aufgrund vo a schwan Krankheit untabrecha miasn, wega dera soga ins Krankahaus miasn hod. Am 16. November 2004 hoda seina Community in a Okündigung (de Original-Datei is nimma vafügboa) davo bericht und um Huif bätn. Inzwischn isa wieda gsund.

Im Netz[Werkeln | Am Gwëntext werkeln]