Prada

Aus Wikipedia
Der Artikl is im Dialekt Niadaboarisch (Doanagegnd) gschriem worn.

Da Prada is a - anschaenend lokal nur in am kloana Umkraes bekannta - Namm fia s Karussell, aeson fias Ringlspü oda, auf Nordordostboarisch Ringlgspül [mit dem fia d Owapfaez tippischn ül-Laut]. Da Namm kimmt gwiß dadavo(n her, dass auf de Voeksfestplatz - de wia vom lataenischn pratum (Wiesn) her manchaorts Prater hoaßnd - s Karussell früaras de auffälligste Lustbarkaet gwen is.

Wae se de Zoagara vo da Uahr aa r aso im Kraes drahnd, is Prada oda Pradara aa a abfällige Bezaechnung fiar a Uah; eppa wenn a Bua mit saena kostbarn Firmuah recht a(ngibt, kann a zum Hean kriagn: „'A geh waeda mit daen Schaeßprada!“