Rakousko
| Der Artikl is im Dialekt Owaöstareichisch gschriem worn. |
Rakousko is a oida Naum fia Östareich. De Sidslawn sogn za Östareich Austrija und za de Östareicha Austrijanac. Owa wiaso nennans de Tschechn Rakousko und Rakušan?
Vuagschicht[Werkeln | Am Gwëntext werkeln]
Im Joa 788 hod da Franknkini Koal da Grosse den Baiern-Heazog Tassilo III. ogsezt. Ums Heazogtum Baiern nei zoadnan und fia de frenkischn Zweck nei za oaganisian, is a deswegn fost 3 Joa in da domolign bairischn Haubtschtod Rengschburg blibm. 791 hod ea daun sein alemannischn Schwoga Gerold II ois Regentn (Präfekt) in Baiern eigsezt. Ois dea 799 im Kaumpf gegn de Awarn in Panonien gfoin is, hod da Koal da Grosse in Baiern zwoa Präfektn eigsezt. Oan fias bairische Keanlaund und Oan fias bairische Ostlaund. Baiern is eam vamuatli zgroß wuan, um in oana Haund zbleim.
Unta da Fiarung vo dena eanane Owagrofn san de aundan frenkischn und bairischn Grofn gstaundn. Owa aa de Fiaschtn vo de mea oda weniga ohängign Vöka. Za dene hom aa de Mähra im heidign Osttschechien gheat.
Ra(t)couz[Werkeln | Am Gwëntext werkeln]
In oana Thayaschleifn (Fluss) is scho aa Hoizbuag gschtaundn, de wo vo Slawn bsidlt woa. Im leztn Driddl vom 11 Joahundat is ois Schtoabuag ausbaut wuan. In da Chronica Bohemorum (ummas Joa 1100) is de Schtod Raabs ois Castrum Racouc augfiad wuan. A frenkisch-bairische Grenzgrof vo dera Buag hod Ra(t)couz ghoassn. Und seine Mauna woan daun Umgaungsschprochle de Rakousi. De Bezoachnung muaß owa scho im 9 Joahundat in de friare Fuam vom Tschechischn iwanumma wuan sei. Vo de Tschechn homs de Soabn im Westn und de Slowakn im Ostn daun aa iwanumma. Nua bei de drei slawischn Vöka hoassn de Östareicha = Rakušane und Östareich = Rakousko. Iwasezt hoassts oafoch, de Raabsa, oda de Leid hinta da Schtod Raabs.
Litaradua[Werkeln | Am Gwëntext werkeln]
- Kugler Georg/Wolfram Herwig; 99 Fragen an die Geschichte Österreichs. Verlag Ueberreuter, Wien 2009, ISBN 978-3-8000-7424-2
Im Netz[Werkeln | Am Gwëntext werkeln]
- https://web.archive.org/web/20130306093324/http://www.raabs-thaya.gv.at/tourismusfreizeit/sehenswertes/burgraabs.html
- http://www.waldviertel.at/de/default.asp?id=79313 (Seite nicht mehr abrufbar; Suche in Webarchiven)
- http://www.wehrbauten.at/noe/niederoesterreich.html?/noe/raabs/raabs.html (Seite nicht mehr abrufbar; Suche in Webarchiven)
- https://web.archive.org/web/20130807094620/http://altemauern.heimat.eu/n_raabs.htm
- http://bifrost.it/SLAVI/Fonti/Praga-1.html
- http://www.geschichtsquellen.de/repOpus_02630.html
- http://librosybibliotecas-codexgigas.blogspot.co.at/2009/10/cosmas-de-praga-chronica-bohemorum.html