Scandicci

Scandicci
	Scandicci (Italien)
Staat	Italien
Region	Toskana
Koordinaten	43° 45′ N, 11° 11′ OKoordinaten: 43° 45′ 29″ N, 11° 10′ 49″ O
Häh	47 m s.l.m.
Fläch	59,59 km²
Eihwohna	50.786 (31. Dez. 2019)
Dichtn	852 Eihw./km²
Postloatzoi	50018
Vorwoi	055
ISTAT-Nummera	048041
Voiksbezoachnung	Scandiccesi
Schutzpatron	San Zanobi (10. Mai)
Hoamseitn	Gmoa Scandicci

Scandicci is a Gmoa mid 50.786 Eihwohna (Stond: 31. Dezemba 2019) in da Metropolitanstod Florenz in da Region Toskana in Italien.

Geografie

De Gmoa eastreckd se iwa uma 60 km². Se liegd rund 6 km sidwestli vo Florenz om Arno und dessn Zuafluss Greve. Im sidlichn Gmoagebiet beriahd da Pesa an Ort.

Zu de Ortstei zehjn: Badia a Settimo, Capannuccia, Casellina, Granatieri, Le Bagnese, l’Olmo, Mosciano, Pieve a Settimo, Rinaldi, San Colombano, San Martino alla Palma, San Michele a Torri, San Vincenzo a Torri, Santa Maria a Marciola, Scandicci Alto, Vingone und Viottolone.

De Nochboagmoana san: Campi Bisenzio, Florenz, Impruneta, Lastra a Signa, Montespertoli, San Casciano in Val di Pesa und Signa.

Gschicht

De Ortstei: Badia a Settimo und Mosciano san scho vo de Rema bewohnd worn. Da Nam entstommd woahscheinli'm lateinischn Woat: scandere (steing, afsteing). Z'dem bfindd se in da Näh de remazeidliche Fundstätte Molino San Vincenzo. De eingdliche Gschicht vo Scandicci beginnd mid da Gebietsrefoam vo Leopold II. 1774, ois'a de Gmoana: Casellina (heit: Settimo) und Torri (Pian de' Cerri, San Vincenzo und Romola) unta'm Nam: Casellina e Torri zammgfiahd hod. 1869/'97 is da Palazzo Comunale earichdd worn, gfoigd vo da Piazza Matteotti (1879) und da Piazza Piave (1876). Da Flussvalaff vo da Greve is 1929 vaendad worn, so is de heit no voahondne Piazza Marconi entstondn^[2].

D. H. Lawrence hod in Scandicci seit 1926 a Villa bsessn, in deara u. a. sein letzdn Roman: Lady Chatterley vafossd hod.

Sengswiadigkeitn

Klosta San Salvatore a Settimo
Villa Castel Pulci, historische Villa, heit Siez vo da Scuola superiore della magistratura.

Berihmtheitn

Katia Beni (* 1961 in Scandicci), ital. Schauspuiarin
Alessandro Paci (* 1964 in Scandicci), ital. Schauspuia

Vakeah

Scandicci liegd on da A1 (Autostrada del Sole) und bsitzd a fia de neadliche Toskana wichtigs Autobohkreiz, wejchs de A1 bzw. Florenz mid Pisa und Livorno duach de Strada di grande comunicazione Firenze-Pisa-Livorno (de so gnennde FI-PI-LI) vabindd und de a mautfreie Altanative za A11 is. Außadem is Scandicci duach a Linie vo da Stroßnboh Florenz mid'm Haptbohhof Firenze S.M.N. vabundn. Diese is om 14. Feba 2010 in Betrieb gnumma worn und hod 14 Staziona af ana Läng vo 7,8 Kilometa.