Schlaessn

Dea Artiggl is in da Schbrouch vo Noardostbayern gschribm.

Schleißen koa(n a Verb odar a Substantiv sa(n, u oalle zwoa genga zrugg af des ahd. 'sleizan('spoaltn, rupfm).

Oals Verb wird s zwoafoch vawendt. Oa(nmoal transitiv fia s Hearichdn vo Beddfedan. Dou wird vo dean griawan Gänsfedan des Woiche, da Fedapflaam, oinagrissn. Des is s Fedanschlaessn, u des woar a Wintaarwad fia d Waewa. Dou san s banonagsessn voar an Haffm Fedan afm Tisch u ham d Laet aasgricht, u d Kinna ham oens aaf d Guschn 'kröigt, wenns in den Pflaamhaffm aeneblousn hamm. Aa fia s dünne Spoaltn vo Hualz sagt ma 'schlaessn, zan Baespül fia s Schindlmachn oda wenn ma dünn Spreißl zum Faea-Oa(nschian mechd. - Des Verb koa aa intransitiv vowendt wean, ebba wenn ma sagt: „Des Hualzschaedt is aste, des schlaesst niad gschaed."

S Eagebnis vo deara Arwat kinna dann d Schlaessn sa(n: döi flachn Köi(nhualz-Spreißl zum Faeaoa(nschian.