Silber-Trilogie
De Silber-Trilogie is a dreiteilige Romanreih vo da Autorin Kerstin Gier.
Silber - Das erste Buach der Träume
[Werkeln | Am Gwëntext werkeln]Liv Silber, 16 Joa oid und ia Schwesda Mia, 13 Joa oid ziang moi wieda um, desmoi noch England. Aba ois se noch de Summaferien, de se bei iam Vadda in da Schweiz vabrochd hom am Londoner Flughofn okema, erfahren sie das es nix werd mid dem Landhaus in Oxford, wei des oogeblich in am katastrophalen Zuastand is. Drum schdoid eana ia Muadda Ann Mathews ian Freind voa, dea hächsd wahrscheinlich füa de Planänderung vaandwordlich is. Kurz drauf zieang de drei in a reich möbliierte Wohnung. Boi erfahren de Madl das ia Muadda mid iam Freind Ernest Spencer zamm in dem sei Villa ziang wui. Des gfoid dene go ned und a de 18-jahrign Zwuilline vom Ernest (Grayson und Florence) ned. Ollerdings miassn si olle damid abfindn und so ziang der drei mid am Kindamadl Lotti ei.
De Liv hod scho imma sehr lebendig dramd, oamoi draamd se vo via Buam de es wirklich gibt und a den Draam kena. De Buam genga auf de gleiche Schui wia sie und wissn auf oamoi Sachn iba sie, de wo de Liv nia weida vazoid dad. De Buam san ia Stiafbruada Grayson und dem seine Freind Henry Harper, Jasper Grant und Arthur Hamilton. Da Arthur is mid da Annabell Scott tsamm, des Madl wor a im Draam dabei.
Im Internet fiahd dann no a gwisse Secrecy an Blog in dem lauda vertrauliche Sachn nauskema.
Persona
[Werkeln | Am Gwëntext werkeln]Liv Silber (16) is de Hauptperson vo da Gschicht, und mog Rätsl fuachtbar gern, drum wui sie a rausgriang wia de Buama des ois vo ia wissn.
Mia Silber (13) is de Schwesda vo da Liv und wui unbedingt Detektivin wean.
Ann Mathews is de Muada vo Liv und Mia. Sie ko nirgends lang bleim, sodass sie ungefähr jeds Joa umzieagd. Ois Professorin arbad sie in Oxford und schaugd a ned schlechd aus.
Lottie Wastlhuber is des Kindamadl vo Liv und Mia und kimmat se um de zwoa. Sie is a deitsche und woid eigendlich bloß a Joa ois Au-pair bei da Familie Silber arban is aba äds scho seid nein Joa do.
Ernest Spenser is da Freind vo Ann Mathews, vawidwed (sei Frau wor Numma 200 oda so vo da Britischn Throfoige), da Voda vo Grayson.
Grayson Spencer is 18 Joa oid, hod a Zwillingsschwesda de Florentine hoaßd, is hoibwaise und hod a Freindin de Emily Clark hoaßd.
Emily Clark is de Freindin vom Grayson Spencer, a Mustaschuimadl und a de Chefredakteurin vo da Schuikindazeidung.
Secrecy is de/a Autor/in vo am Tittletattlblog, indem de neiasdn Schuigerüchte aufdauchn, aba koana woas wer Secrecy is und sie/ea soibsd sogd bloß: I bin middn unda eich und kenn oll eire Geheimniss.