Vaoanigts Kinireich

Aus Wikipedia
Wexln zua: Navigation, Suach
Vaoanigts Kinireich vo Großbritannien und Noadirland

United Kingdom of Great Britain and Northern Ireland

Flag of the United Kingdom.svg
{{{ARTIKEL-WAPPEN}}}
Amtssproch Englisch (de facto)

amtlich regional: Irisch, Gälisch (Schottisch-Gälisch), Scots, Kymrisch (Walisisch) und Manx

Haptstod London
Stootsform Konstitutionej-parlamentarische Monarchie
Stootsobahapt Kenigin Elizabeth II.
Regiarungschef Premierministarin Theresa May
Fläch 243.610 (79.)[1] km²
Eihwohna 64.596.800 (22.)(2014)[2]
Dichtn 264 (48.) Eihwohna pro km²
Bruttoinlandsprodukt 2.373 Mrd. US-$ (5.) (2006)
Bruttoinlandsprodukt pro Eihwohna 39.213 US-$ (13.) (2006)
Währung Pfund Sterling (£, GBP)
Nationalhymne God Save the Queen
Zeitzone UTC+0 WEZ
UTC+1 WESZ
Kfz-Kennzoachn GB
Internet-TLD .uk, .gb (ungnutzt)
Telefonvoawoi +44
United Kingdom in the European Union on the globe (Europe centered).svg
Uk-map-de.png
Elisabeth II. im Meaz 2015
Theresa May (2015)
Theresa May

As Vaoanigte Kinireich oda Vereinigtes Königreich (engl. : United Kingdom, kuaz: UK), Longform: Vaoanigts Kinireich vo Großbritannien und Noadirland (engl.: United Kingdom of Great Britain and Northern Ireland) is a souveräne Nation voa da Noadwestgstod vo Kontinentoieiropa.

Da gresste Inslstoot vo Eiropa is a Union vo ehemois unobhengign Oanzlstootn England, Schottland und Wales sowia Noadirland. Des Vaoanigte Kinireich hod aa meahrane Iwaseegebiet. De Kronbesitztima vo da Isle of Man und vo de Kanoiinsln san da britischn Krone untastejt, san owa ois sejbststendige Lenda ned Bstondtei vom Vaoanigtn Kinireich. Ois parlamentarische Monarchie untahoit des Land aa no Beziahunga zu fimzehn Commonwealth Stootn, vo dena des Stootsowahapt da britische Monarch/de Monarchin is.

Eadkunde[VE | Weakln]

Des Vaoanigte Kinireich bsteht aus da Haptinsl Großbritannien und eppa am Sextl vo da Insl Irland. Um de Haptinsl lieng meahrane Inslgruppm mid iwa 1000 kloanare Insln. De wichtigstn Inslgruppm san Shetland und Orkney in da Noadsee neadli vo Schottland, de Aissan Hebridn und de Innan Hebridn im [[Atlantik}} westli vo Schottland, Anglesey in da Irischn See neadli vo Wales, de Scilly-Insln in da Kejtischn See sidwestli vo England sowia de Isle of Wight im Eamekanoi voa da englischn Sidgstod. De oanzige Landgrenz bsteht af da Insl zua Republik Irland; de is 360 km long. Ned zum Vaoanigtn Kinireich ghean (obwois da britischn Krone untastenga) de Isle of Man in da Irischn See de Kanoiinsln im Eamekanoi vor da Noadgstod vo Frankreich.

Eihwohna[VE | Weakln]

Des Land hod ummara 65 Milliona Eihwohna (2014), davo hod de Haptstod London zirka 8.539.000 Eihwohna. In Großbritannien lem a seah vui Eihwondara vo de ehemolign Kolonien, wia zum Beispui Inda, Pakistana und Kinesn.

Gschicht[VE | Weakln]

Des Vaoanigte Kinireich is 1707 aus am Zammschluss vo de Kinireich England und Schottland entstondn, nochdem de Stootn scho länga vum gleichn Kini regiad worn san. Es hod im 19. Joarhundad, domois British Empire gnennt, duach de friare Industrialisiarung de Vormochtstejung in da Wejd ealongt, aa duach de unbrochane Seeherrschoft vo da Englischn Flottn. In da easchtn Hejftn vom 20. Joarhundad is de Mocht vo Großbritannien mid de zwoa Wejdkriag gschwundn, obwoi de zwoa Kriag vo Großbritannien gwunna worn san. In da zwoatn Hejftn vom 20. Joarhundad san nacha de moastn vo de ehemolign Kolonien unobhängig worn.

Wiatschoft[VE | Weakln]

Des Vaoanigte Kinireich zejd zu de am steakstn dereguliatn und privatisiatn Voikswiatschoftn vo da Wejd. De britische Wiatschoft is da Uasprung vom sognenntn „angelsaxischn Kapitalismus“, wo af de Prinzipien vo da Liberalisiarung, vom frein Moarkt, vo niadriga Besteiarung und geringa Reguliarung afbaut. Des Land hod des wejdweit sextgresste Bruttoinlandsprodukt (BIP), noch Deitschland und Frankreich des drittgresste in Eiropa.[3] Mid 28.300 Eiro liegt des BIP pro Kopf im owan eiropeischn Referenzrohma. Im Vagleich mid'm BIP vo da EU (ausdruckt in Kaufkroftstandards) eareicht des Vaoanigte Kinireich an Index vo 116,2 (EU-25 im Joar 2003: 100).

Beleg[VE | Weakln]

  1. CIA World Factbook: United Kingdom (Land- und Wossaflächn)
  2. National Statistics: Population Estimates - UK population grows to more than 60 million
  3. IMF: World Economic Outlook Database, April 2009

Im Netz[VE | Weakln]