Vawoitungsgliedarung vo Wales

Aus Wikipedia

De Vawoitungsgliedarung vo Wales (dt.: Verwaltungsgliederung von Wales) losst si in drei Phasn eihtein. Zwischn 1889 und 1974 hod de klassische Vawoitungsgliedarung in Counties und County Boroughs bstondn. Vo 1974 bis 1996 hod a Eihteiung in neigschoffne Countys gfoigt, de in Districts untagliedat woan. Seit 1996 is de Vawoitung in Wales oastuafig struktuariat und es bstehn 22 Principal Areas.

Vawoitungsgliedarung vo Wales bis 1974[Werkeln | Am Gwëntext werkeln]

Vawoitungsgliedarung vo Wales bis 1974: 13 Grofschoftn

Bis 1974 woa Wales in dreizehn Vawoitungsgrofschoftn eihteit:

  1. Monmouthshire (Sir Fynwy)
  2. Glamorgan (Sir Forgannwg)
  3. Carmarthenshire (Sir Gaerfyrddin)
  4. Pembrokeshire (Sir Benfro)
  5. Cardiganshire (Sir Aberteifi oder Ceredigion)
  6. Brecknockshire (Sir Frycheiniog)
  7. Radnorshire (Sir Faesyfed)
  8. Montgomeryshire (Sir Faldwyn)
  9. Denbighshire (Sir Ddinbych)
  10. Flintshire (Sir y Fflint)
  11. Merionethshire (Sir Feirionnydd)
  12. Caernarfonshire (Sir Gaernarfon)
  13. Anglesey (Sir Fôn)

Dozua san de vawoitungstechnisch eingständinge County Boroughs Cardiff, Swansea und Merthyr Tydfil (olle in Glamorgan) sowia Newport in Monmouthshire kemma.

Vawoitungsgliedarung vo Wales 1974 bis 1996[Werkeln | Am Gwëntext werkeln]

Zwischn 1974 und 1996 hods in Wales ocht Countys gem, de si in Districts untateit hom („zwoastuafige Vawoitung“). Diese ocht Countys woan bei da Neioaganisation vo da Kommunoivawoitung 1974 onstej vo da 1888 eihgrichdtn dreizehn oidn Countys und vo de via County Boroughs: (Cardiff, Swansea, Merthyr Tydfil und Newport) gschoffn worn. Dena Countys san olle walisische Bezeichnunga gem worn. Ledigli de Glamorgan-Counties hom englische Nama eahoitn.

Vawoitungsgliedarung vo Wales 1974–1996: 8 Counties
  1. Gwent
  2. South Glamorgan (De Morgannwg)
  3. Mid Glamorgan (Canol Morgannwg)
  4. West Glamorgan (Gorllewin Morgannwg)
  5. Dyfed
  6. Powys
  7. Gwynedd
  8. Clwyd

De 8cht Countys woan in Districts untateit:

Heitige Vawoitungsgliedarung vo Wales[Werkeln | Am Gwëntext werkeln]

De deazeitige Vawoitungsstruktua in Wales is am 1. Aprü 1996 eihgfiaht worn und telt Wales in 22 Principal Areas, des san Vawoitungsbeziake, de fia olle lokoin Vawoitungsafgom zuaständig san. Es gibt koa middlare Vawoitungsebene iwa iahna, so doss ma in Wales vo ana „oastuafing Vawoitung“ spricht. Diese Vawoitungseihheitn san mid de Unitary Authorities in England vagleichboa. De 22 Principal Areas hom zwoar olle an gleichn Vawoitungsstatus, fiahn jedoch afgrund iahra Gschicht bzw. iahra Gräß untaschiedliche Bezeichnunga so fiahn nein an Titl County, zehn an Titl County Borough, oane'n Titl City sowia zwoa an Titl City and County.

Wales bsitzt seit 1998 a Parlament mid bschränktn Befugnissn, de Walisische Nationoivasommlung (National Assembly for Wales).

Wo de englische Bezeichnung vo da walisischn obweicht, is de walisische in da foingdn Listn zuasätzli ogem:

Vawoitungsgliedarung vo Wales: 22 Principal Areas
Principal Area Walisischer Nam Fläch
(km²)[1]
Eihwohner[1] Dichtn[1]
Blaenau Gwent 3 109 69.822 643
Bridgend 3 Pen-y-bont ar Ogwr 251 139.740 557
Caerphilly 3 Caerffili 277 179.022 646
Cardiff 2 Caerdydd 140 348.493 2.489
Carmarthenshire Sir Gaerfyrddin 2.371 184.317 78
Ceredigion 1.785 76.046 43
Conwy 1.126 115.515 103
Denbighshire Sir Ddinbych 837 94.066 112
Flintshire Sir y Fflint 438 152.743 349
Gwynedd 2.535 122.142 48
Isle of Anglesey Ynys Môn 711 70.049 99
Merthyr Tydfil 3 Merthyr Tudful 111 58.898 532
Monmouthshire Sir Fynwy 849 91.659 108
Neath Port Talbot 3 Castell-nedd Port Talbot 441 140.108 317
Newport 1 Casnewydd 190 146.106 767
Pembrokeshire Sir Benfro 1.619 123.035 76
Powys 5.181 132.952 26
Rhondda Cynon Taf 3 424 235.599 555
Swansea 2 Abertawe 378 239.633 634
Torfaen 3 126 91.372 727
Vale of Glamorgan 3 Bro Morgannwg 331 126.831 383
Wrexham 3 Wrecsam 504 135.919 270
1 City
2 City and County
3 County Borough

Zu zeremoniejn Zweckn is Wales außadem in ocht Preserved Counties eihteit, de weitgehnd dena ocht Counties entsprechn, de in Wales zwischn 1974 und 1996 bstondn hom. Jede vo de 22 Principal Areas is am Preserved County zuagoadnd.

Beleg[Werkeln | Am Gwëntext werkeln]

  1. 1,0 1,1 1,2 Bevejkarung, Fläch und Bevejkarungsdichtn vo de Vawoitungsbeziake vo Wales om 30. Juni 2012 (ZIP; 832 kB)