Wikipedia:Geh vo guade Osichtn as

Aus Wikipedia
De Seiten is a offizielle Richtlinie vo da BAR-Wikipedia.
Es werd dawortt das se olle Benutzer aun d'Grundseetz vo dearer Richtlinie hoiden.
Dialekt: Flochgaurisch

Geh vo guade Osichtn as!“ is oans vo de Wikipedia-Prinzipien, des af Englisch a „Assume good faith“ hoast. Desweng wiads intern a oft ois AGF åkiazt.

Wo vüi Laid afaranånder treffa, gibs bazaidn Konflikte. Des güit aa fir de gmoasåme Orwait in da Wikipedia. Da wichtigste Root aa ba Moanungsvaschidnhaitn is: Geh vo guade Osichtn as! D' moastn Benitzer dodan hom gånz earlich gsog as beste fir d' Wikipedia im Sinn, so etle Konflikt entstengan desweng, wai vaschidane Laid unterschidliche Osichtn driwer hom, wos fir d' Wikipedia guad is und wos ned.

Desweng: Suach's Gespräch mi'm åndern und bewoar im Konfliktfoi d' Ruah! Hoit De ad Wikiquette und vamaid oie persänlichn Ågriff und Akzionan, de an Konflikt no waider vagrässern kenna. Sochliche Frong klär bittschä a da Diskussionssaitn vom Artike, persänliche Diffarenzn kå ma a da Diskussionssaitn vom Benitzer åsprecha. Iwerleg, ob Du 'n åndern villaicht ned nur missvaståndn host.

Um da Artikeorwait ned zan schodn, soidatn Edit-Wars unbedingt vamidn, as Gespräch a da zuaghering Diskussionssaitn vom betreffatn Artike gsuacht und waiderne Benitzer, de se in dera betreffatn Fochrichtung askenna, heråzong wern. Fochkundige Midorwaiter kenna iwer's jewailige Themen-Portal gfuna wern.

A da Saitn Dritte Moanung kåst du Benitzer af inhoitliche Konflikte af Artikediskussionssaitn afmerksåm mocha und um a dritte Moanung bittn. Si soi a informelle Mäglichkait vo da Konfliktläsung biatn und Edit-Wars vurbaing.

Ba åhoitade persänliche Ågriff, kå a

Vamittlungsausschuss bemiat oder a Vandalismusmöidung gmocht wern, de zua Benitzersperrungen firn kenna.

Host Du Probleme mid Administratorn, kå da dert do ghoifa wern. Ower aa do güit: Vasuach as Problem znagst a da Diskussionssaitn z' beraining.