Wikipedia Dischkrian:Berige Artikl/Archiv

De Seitn is a Archiv vo obgschlossanan Dischks. Ia Inhoid soit dahea ned mehr vaendat wern. Um a voaherigs Thema wieda aufzgreifa, ko de etzige Dischkseitn unta Vaweis auf den Obschnidd vo dera Archivseitn heagnumma wean.

Abstimmung iaban Nama

• Wia warats mit "lässige Artikl"? --ShinDerChan 14:40, 22. Aug. 2007 (CEST)

Oijgmoane Ofrog zua dera Obstimmung

Soi ma's glei so macha, dass a jeda zwoa Stimma hod? Weils eh scho aso praktiziert werd... --Libellulia 16:26, 19. Aug. 2007 (CEST)

Warum ned glei meafoch unn donn vielleicht no amoij a Obstimmung iaba de zwoa Bgriff mit am bestn Eagebnis, wo ma blos no oane Stimm hot? Bei so oana "Grundsotzfrog" waa des m.E. ned vakeat Weggatgroasta 17:57, 19. Aug. 2007 (CEST)

Obstimmung laft vom 1.Auguscht bis zum 21 .Auguscht (valengert)

berig => Berige Artikl

1. Pro--Florian Schott 15:47, 1. Aug. 2007 (CEST)
2. Pro--Libellulia (fia mi hod des nix mim Bär zum doa - aussprecha deans mia "berrig") 12:00, 7. Aug. 2007 (CEST)
3. Pro Weils a jeder versteat. Pfundig kling fir mi komplett deitsch, Leiwondt österreichisch. "Zimftig" war echt es beste, lei isch sel Wort a wia schwierig zu lesn! --Mirko 00:36, 16. Aug. 2007 (CEST)
4. Pro Schoberheinz, weil´s schoberig is
5. Pro --Roland
6. Pro --El bes 23:54, 19. Aug. 2007 (CEST) ; obwoi i find das ma "bearig" schraim soid, sunst klingts schwytzerdütsch.
   I finn, dej "ostlerische" Schreibweis brauchts niat umbedingt. -- Sinnierer 08:39, 20. Aug. 2007 (CEST)
7. Pro --Weggatgroasta 01:15, 20. Aug. 2007 (CEST) sieg mei Ofrog, setz i mei Stimm hiazt a meafoch ei - des wos da El bes moant, findt i iabrigans aa recht iabazeingd. I wead boijd gonz naarisch mit dem Woat ... ;-)
8. Pro Mei Zwoatstimm, wej schòu bå "pfundig" gschriem. A Wort, wos ma iweròll im boarischn Spròuchraum kennt, is besser. Und bàssn dout "berig" jå à guat. -- Sinnierer 08:23, 20. Aug. 2007 (CEST)

+ oa weidans Oitanativ-Pro in da Schreibweis bärig (sieg pfundig) Weggatgroasta 17:18, 17. Aug. 2007 (CEST)

Noch de Eaklärunga untn waa i hiazt aa fia de Schreibweis berig - ko ma des wia da Roland mochan unn se meafoch eitrong bei dera Obstimmung? Weggatgroasta 17:46, 19. Aug. 2007 (CEST)

bärig => Bärige Artikl

(fois de zwoa Schreibweisn zamma d'Mehrheit hättn, kunnt ma de nemma, de dann mehra hod --Florian Schott 09:39, 2. Aug. 2007 (CEST))

Oiso i waa donn scho vasteakt fia de Schreibweis bärig, weils ses jo ned vo de Pflonzn, sundan vom Viech obleit, oda? (Es gabat jo aa no a ondas Supalativ, des se aa von am Viech healeit: stiamassig. Oba des klingt hoijt ned so griabig wia bärig ... ;-)) Weggatgroasta 17:14, 17. Aug. 2007 (CEST)

I hob zwoa fia leiwaund obgstimmt, siag des oba genauso wia da Weggatgroasta, alternativ-Pro fia bÄrig --i bin da Man77und do kaunst mit mia redn 17:24, 17. Aug. 2007 (CEST)

Wånn's zimftig néd wird, warad meî zweite Präfarenz bärig (mid ä), wei ma's im gånzn boarischn Språchraum kennd. --Maxx82 18:29, 17. Aug. 2007 (CEST)

Richte mejssadma "berig" schreim, wàl des niat vom "Bär" (wej in da Hòuchspròuch), sundern vom "Ber" (in da Hòuchspròuch "Eber") herkummt. Urspringle hòuts min Zoustånd vo de Sai zun Dou, wenns dej zu de Mànnla, de Sau-Bern, hizejgt. Ower haintzadoch kennas d Lait nemmer aso in dera òltn Bedaitung. -- Sinnierer 23:02, 18. Aug. 2007 (CEST)

Woher woasstn Du so Zeigl blos imma? Jennfois hätts mi eh gwundat, wann unsane sprachlichn Vorfahrn Bärn voi suppa gfundn hättn. --Libellulia 00:25, 19. Aug. 2007 (CEST)

I hon grod im "Bairisches Deutsch" vom Zehetner nochgschaugt und do steht des mit'm Ber (Eber) aa aso drin. Schreibm duat a's zwar mit "ä" oba woi mehrer wega'm hochdeitschn oda wos woaß i...--Roland 01:15, 19. Aug. 2007 (CEST)

Ma leant do nia ned aus - find i echt berig! Weggatgroasta 01:31, 19. Aug. 2007 (CEST)

zimftig => Zimftige Artikl

1. Pro, wei's a schens tradizionells Dialektwort is und recht guad dés trifft, wås ma mànan. Außadem wird dés Wort, soweid i wàß, im gånzn boarischspråching Raum vawendt. (Im Géngsåtz zu pfundig, leiwånd, gutt. Und bärig glingt ma z'vüi nåch'n Hansi Hinterseer.) --Maxx82 23:50, 14. Aug. 2007 (CEST)
2. Pro des hot einfach wos -- Seelenwind
3. Pro zimftig, zimpfdig, zimpfdi ... guad dast kõa Ü gschrim håst. --El bes 23:54, 19. Aug. 2007 (CEST)
4. Pro --Weggatgroasta 01:16, 20. Aug. 2007 (CEST) sieg mei Ofrog, setz i mei Stimm hiazt a meafoch ei
5. Pro--Mucalexx 19:27, 21. Aug. 2007 (CEST)

pfundig => Pfundige Artikl

1. Pro Des finne åm bestn. Ower wenn des in Österreich niat aso bekånnt is, nòu bine à mit "bärig" eivaståndn. -- Sinnierer 17:18, 8. Aug. 2007 (CEST)
2. Pro I schliaß me do am Sinnierer und am Weggatgroastn o. Pfundig daat ma am bestn gfoin und nacha "bärig". --Roland 23:34, 18. Aug. 2007 (CEST)
3. ProIm obaboarischn war des glab i da beste Begriff. Ower wenn des in Östareich net so bekannt is, war i fia "bärig"... --Lou.gruber 13:27, 15. Aug. 2007 (CEST)
4. Kontra --El bes 23:54, 19. Aug. 2007 (CEST) Pfundig kent ma in Ésdaraich wiakli iwahaupst ned, a wãn I dés woa recht nett find.

# Pro ... wia Sinnierer mit "bärig" sieg untn, hiazt mit berig ois Oitanativn Weggatgroasta 17:48, 19. Aug. 2007 (CEST) - weil de Äistareicha soij ma a ned ohne Noud drazn ... ;-) --Weggatgroasta 01:19, 20. Aug. 2007 (CEST)

leiwandig => Leiwandige Artikl / Leiwande Artikl / Leiwandste Artikl?

hoasst ma des ned leiwand alloa?172.180.61.194 22:45, 7. Aug. 2007 (CEST)

Bitte an de Leiwand-Profis, dass Es des klärts :-) --Libellulia 13:01, 15. Aug. 2007 (CEST)

Bin iatz zwa koa Profi, aba mei Språchgfui sogt ma leiwandig -Birnkammer fabian 19:42, 15. Aug. 2007 (CEST)

Mei Gfüi sogat mia "Leiwande Artikl", bin oba aa net ausm Hohheitsgebiet vu da Leiwandigkeit --i bin da Man77und do kaunst mit mia redn

Des is meglichaweis a untaschied zwischa ost- und west-boarisch. In Wean und NÖ háßt des jednfois leiwãnd. (Beispü: Woifgãng Ambros: Schifoan 4.Zeile) --StalkerAT 10:44, 19. Aug. 2007 (CEST)

1. Pro haaßn dua i Man77und so kaunst mit mia redn 16:05, 1. Aug. 2007 (CEST) da Dia-Leinwaund zuliebe ;) de aundan Voaschläge san oba a mindestens akzeptabl!
2. Pro --Birnkammer fabian 16:19, 1. Aug. 2007 (CEST)
3. Pro fiă leiwãnd --Zwentibold 00:15, 15. Aug. 2007 (CEST)
4. Pro fia leiwãnd --StalkerAT 10:44, 19. Aug. 2007 (CEST)
5. Pro--Mucalexx 11:48, 19. Aug. 2007 (CEST)
6. Kontra --El bes 23:54, 19. Aug. 2007 (CEST) laiwãnd (so sågns dé Weana) is haifde weanarisch, warad åwa fia de "paritätische Fadretung fu ole boarischn Dialekte" wida a Iwalegung weat. Wãns de Meahaid wü, bin I a ned dagéng.
7. Kontra - seids ma ned bees, oba des Woat kenn i iabahapts ned ... --Weggatgroasta 01:23, 20. Aug. 2007 (CEST)
8. Kontra i kenn des aa ned --Seelenwind
9. Neutral Geem douts "leiwand" òls Dialektwort in Òltbayern glàwe niat. Ower kenna dejns gwieß etle Lait in Òltbayern dennerscht òls a "typisch-urigs" esterreichischs Wort. Ower ånderschtrum: Bòlma "pfundig" niat nimmt, wàlses in Esterreich niat git, nòu mejssadma so gerecht sàà, dàßma "leiwand" à niat nimmt. -- Sinnierer 08:56, 20. Aug. 2007 (CEST)

gutt => Gutte Artikl

1. Pro wia wàrads denn mid dem Wort? I wàß dass dés a urboarischs Wort is und im Rest vôm boarischn Språchraum kaum no existiart. Kennt dés sunst no irngdwer? im pongaurischn existiarts no... es passn sunst ålle åndan Wörta à...--Mucalexx 13:49, 4. Aug. 2007 (CEST)
2. Pro guad find i guad, åwa sauguad warad sauguad ;-) --El bes 23:54, 19. Aug. 2007 (CEST)

sauguad => sauguade Artikl

1. Pro wia warads mid "sauguad", oda "wiaklich guad", oda "gschaid guad" warad filaicht neutraler, åwa "sauguad" kling schã sauguad, finz néd a? --El bes 23:54, 19. Aug. 2007 (CEST)
2. Kontra - obwoi i des Wort sauguad find... des daad oafach wieda olle Vorurteile bschtätign. I sog seibad saugeil etc., oba des stäht desweng ned in am Bewerbungsbriafal oda in am Essay fia d'Uni... Passt imho oiso ned fia den spezielln Zweck. --Libellulia 00:21, 20. Aug. 2007 (CEST)
3. Kontra Dòu denk à i, dàß des koa Problem is, wemma boarisch redt. Ower firn speziölln Zweck iss a weng z gråchat. Des is ower àr a grundsätzliche Fròuch, ob ma im "wikipedianischn Kånzleiboarisch" òllas aso schreim sollad, wejmas in Òlldoch "daherschmàdert". -- Sinnierer 09:16, 20. Aug. 2007 (CEST)

ABSCHLUSS

So nachdem heid da 21. August is und somit d Abstimmung iaban Nam vorbei is, dad i ois Ergbnis: 'berige Artikl' sogn, damid is, wia mi des so oschaud, so zimlich jeda zfridn. Wenn ebba ebbs dageng hod, bittschen no bis moang neischreim, sunst nemma berig her. (do bin i iatz amoi a wengal wia a Diktator ;-) ) --Birnkammer fabian 21:16, 21. Aug. 2007 (CEST)

Vorschläg fia an Nama fia de Listn

I hob recht selbstherrlich an Vorschlag vom Zwentibold iabanomma, wenn wer wos bessers woaß, nua hea damid. --Florian Schott 13:29, 29. Jul. 2007 (CEST)

I find den Nam iatz ehrlich gsogt a wengal lang, mai dad do bessa de Versiona vo da deitsch Wikipedia gfoin, so wia lesanswerta Artikl' (i woas scho schlechts beispui, aba mia is iatz grod a nox bessas eigfoin) oda oafach guada Artikl --Birnkammer fabian 22:14, 29. Jul. 2007 (CEST)

Wos ma aa macha kanntn waar, dass ma noch am boarischn Woat suachan des sowos wia guad moant. Wann ma guad direkt nammadn, segat i de Gfahr, dass dodamid olle andan Artikl ois "ned guad" obgwert' wern. Guad is aa ned stark gnua fia lesnswert/exzellent, find'e.

Pfundig und leiwand waarn andraseits laut Wiktionary boarische Synonyme vo guad, wia daugat Eich des? --Libellulia 01:32, 30. Jul. 2007 (CEST)

Leiwandig find i iatz am bessan --Birnkammer fabian 12:00, 30. Jul. 2007 (CEST)

Pfundige Artikl dad ma zuasong. Leiwad gfoid ma a ganz guad, des gheard nur zu meim passivn Wortschatz, drum war i da ned draufkumma. Aba zsamm mit Artikl ois Leiwade Artikl oda ähnlich is ned so guad wia Pfundige Artikl. --Florian Schott 12:28, 30. Jul. 2007 (CEST)

Pfundige Artikl dats guad dreffa. --Talyessin 14:01, 30. Jul. 2007 (CEST)

Es is hoid bei olle zwár a wengl a Krãmpf, wêus hoid do áá Weăta san, dé wos net iwaroin vawendt odar áá vastãnd weăn. I wás net, ob á Niedabaia "Leiwãnd" sogt; is sööwe is bei "Pfundig": do wás i áá net, ob des olle "Ostla" vastengan.--Zwentibold 17:46, 30. Jul. 2007 (CEST)

Leiwãnd warat scho leiwãnd... haaßn dua i Man77und so kaunst mit mia redn 20:35, 30. Jul. 2007 (CEST)

Mia is no wos eigfoin: Berige Artikl. Koa Garantie dass des irngdwo aussahoib vo meim Gei bekannt is... --Libellulia 23:30, 30. Jul. 2007 (CEST)

Mia isses bekaunnt (Hansi Hintasea, den i eigntli so weits geht ignorier, vawendet bärig 100 moi pro Schirennen). Wa ma zumindest liaba wia de hochdeitschoiden Übernamen vu de-WP. haaßn dua i Man77und so kaunst mit mia redn 23:57, 30. Jul. 2007 (CEST)

Gfoin dean ma olle Vorschläg vo da Libellulia, vor oim as Leiwad, wei is seiba fast vagessn hob. Nur miaßad ma do a andas Wort fia Artikl findn (hob i ohm scho gschriem). Berig is a ned schlecht, i denk des is a no am "internationallstn" --Florian Schott 12:54, 31. Jul. 2007 (CEST)

Oiso mid berig kunnt a a jeda wos ofanga. Artikl dat i ned ändan, do des jå auf da Hauptseitn a so städ.--Talyessin 13:39, 31. Jul. 2007 (CEST)

Soit ma "bärig" néd eingtli mid "ä" schreim? (Kummt jå vo "Bär".) Und mir war nu a guads Wort eîgfåin: zimftig. A zimftiga Artikl, dés glingt do guad, oda néd? Außadem is's a tradizionelles Dialektwort und is, soweid i wàß, im gånzn boarischn Språchraum geläufig und hàßt üwaråi assöiwe. Schene Griaß --Maxx82 08:12, 2. Aug. 2007 (CEST)