Wikipedia Dischkrian:Mitmachen und Kontakt

Aus Wikipedia
Zur Navigation springen Zur Suche springen

Grias God beinand,

woit nur fragn, wia ma mitmacha ko und obs Sinn machad, dass ma die boarischen Sprochfetzn fia de vielleicht intressierten Preissn auf hochdeitsch übasetzt? Dat i mi obietn, wennds moants, dass haefad. I häd a no a poar Fähla gfundn und des oa oder andre Zitat, was ma vielleicht kennzeichnen solld...

Gebts oafach Bscheid, was i doa kannt, dat mi narrisch gfrein und i finds sakrisch guad, dass de Seitn gibt!!!

Liabe Griass vo am echtn Mingara Kindl in da 3. Genaration (mei Dochda is a vo am echtn Mingara, oiso 4. Genaration, i hoff, sie füat des weida!!!!!) mit a bissl Oaschlag vom Oberland und vo de Niederbayern!

S Boarische Deandl

Servus BoarischsDeandl,
Natiale konsd do midmocha. Do mochsd uns a Freid damid.
Wensd Fähla findsd, nacha konsd de jedazeid ausbessan. Mia sogn da scho, wens ned bassd.
Iwasetzunga ins Deitsche brauchma ned, owa Iwasetzunga ausm Deitschen ins Boarische.
Dia is de Bayernhymne wichtig (wias af deina Dischkriaseitn gschriem hosd). Voaschlog: Bau in Obschnidd "Gschicht" in unsam Artikl Bayernhymne aus. Dazua konsd Sätz aus da deitschn Wikipedia ins Boarische iwasezn: de:Bayernhymne. Mia braucha des nua in da Zammfossungs-Zein oda auf da Dischkriaseitn vameaka, nacha deafma des aus da deitschn Wikipedia iwasezn.
Du konsd aa ganze Artikl aus da deitschn Wikipedia iwasezn.
Biddschee moch oafoch. I wead a Aug draff hoidn und dia jedazeid häifa. Wensd vo dia aus a Huif brauchsd, schreib ma af mei Dischkriaseitn.
An liam Gruass
--Matthias Klostermayr (dischkrian) 06:21, 6. Sep. 2013 (CEST)

Listn vo Artikl, de's in alle Wikipedias gem soit[Weakln]

Griass eich,

mia is heit in de:Hauptseite de Listn do aufgfoin: de:Wikipedia:Artikel, die es in allen Wikipedias geben sollte. I denk ma, dass uns sowos hejfa kunnt bei Artikln, de ma nu brauchan. Fois ja: Wia soid's hoassn? Voaschlog: Wikipedia:Artikl, de in alle Wikipedias do sei soiatn

Wenn ma de mochan, dann soiat mas oba a wo eihenga, zum Beispui unter Wikipedia:Mitmocha. Wo nu? --Blauer elephant (dischkrian) 10:19, 4. Mea. 2014 (CET)


Seavas Blaua Elefaunt.

I hob ma grod de Listn augschaut.Mia kimmts a Wengl schtatisch und owaflechli via. Wia in an Kreizwoatretsllösungsbiachl.

Wos de gschichtlign Theman augeht, wean ma eppa 2/3 in de nextn Joah beschreibm.

  • Bei de Biographien und bei da Astrophysik, kennt i a aa Boa Atükön beischteian. Mia san hoid ned so vü Leid, de se mid soichane Theman bescheftign, owa es wead scho wean.

An scheen Tog nu, vom Ludwig. --Luki 16:10, 4. Mea. 2014 (CET)Luki (dischkrian)

Hallo zusammen, diese Liste gibt es hier bereits, nämlich unter Nutza:Birne/Artikl, de ma unbedingt braucht. Gruß, Holder (dischkrian)-- 21:32, 4. Mea. 2014 (CET)

Seavas nuamoi.

I hob ma de Listn vom Nutza Birne augschaud.

  • Ankor Wat is nua a Tömpöaulog im Städkomplex Angkor Thom. Deswegn hob is vabundn.

Zarathustra und Tenochtitlan keman de nextn Tog, Shaka Zulu dauat nu a Wengal.

Bei Stern is do de Entschtehungsgschicht und de Vabrennung in oiweu hechare Element gmoand ? Schteangressn hed ma scho? In dem Atüko hed i a iwa de Entschehung vo schwoaze Lecha gschriebn. Soid ma do an oagnan Atüko schreibm ?? Do foit ma wida ei das da Atüko iwa Weisse Lecha a gaunza Schmoan is. Des Söwe Dea iwa Wuamlecha, reine Zukunfts-fikzion (Zeidreisn? Zeidschleifn? Parallöuniversen? Ned iwapriafboa, desswegn a ned Wissnschoftli. Ois lauta phantasievoie Thesn, de noch a boa Joah vo söwa wieda im Kaneu vaschwindn.

Bevua i nu weidagrantld, via Heid, Olle an scheen Tog, vom Ludwig. Luki (dischkrian)--Luki 00:38, 5. Mea. 2014 (CET)

Luki, I deng ma, a wissnschoftliche Berechtigung hom natiale aa Hypothesn, de wo si afgrund vo onakanntn Theorien eagem. Dazua ghean de Wuamlecha. De Schwoarzn Lecha san aa zeaschd amoi duach wissnschoftliche Theorien vorausgsogd worn. Natiale ko a Theorie a foische Hypothesn generian (owa in dem Aungblick, wo des bewiesn is, is a neie, iwagreifende Theorie noutwendi). Wuamlecha san wia Schwoarze Lecha vom Einstein afgrund vo da Relativitätstheorie ois megli vorausgsogt worn. Und solang de Relativitätstheorie ned wiedalegt wead, muas ma vo da meglichn Existenz ausgeh. De Betonung liegt af meglicha Existenz. I ko ma ned voastäin, dass vui Wissnschoftla gibd, de wo des bestreidn. I hob lezdhin an bekanntn, amerikanischn Top-Physika ghead, dea wo de Existenz vo Wuamlecha fia recht woarscheinle hoid. --Matthias Klostermayr (dischkrian) 08:32, 5. Mea. 2014 (CET)
De Idää vo da Listn is guad, Blauer elephant, aa dass ma de bei "Midmocha" eibaut. Dangschee fia den Hiweis.
Owa mia san ned "jede" Wikipedia, deshoib brauchma a oagne Listn in boarischa Sproch und nua a Listn von Artikln, de wo no gschriem wean miassn. An dera Listn miassn voa oim de Portale midorwadn (des is a Grundafgob vo de Portale).
--Matthias Klostermayr (dischkrian) 08:39, 5. Mea. 2014 (CET)
In da deitschn Wikipedia steht, daß doat alla Artikl vo dera Listn do san. I vasteh des a so, daß jede Wikipedia, de wo grouß gnua is, alle Artikl hom soi, de wo auf dera Listn stenga. I hob oba ned gschaud, weiche gressan Wikipedias auf dera Listn nu roude Links (Links auf Artikl, de's ned gibt) ham.
I hoitats fia guad, wenn ma de Listn hett, allerdings iss a gressane Arbat, dass ma de ganzn roudn Links durchgeht, ob ses ned doch scho gibt, ganz oafach, weil de Artikl andas hoassn kanntn.
De Listn is abgstimmt, des hoast, daß ses in alle Wikipedias gibt, und doat hams de blaun Links (auf Artikl de's gibt) drin lassn. Deswegn dad is bei uns a net aussa.
Lange Red, kurzer Sinn: I werd mit dera Listn ofanga. A jeds wo midmocha mecht, is dabei ;) --Blauer elephant (dischkrian) 15:31, 5. Mea. 2014 (CET)
PS: i find's ned tragisch, wenn ma ned ois ham, wos draufsteht, aba es is a Stäi, wo ma Artikl-Wünsch hoin ko. --Blauer elephant (dischkrian) 15:33, 5. Mea. 2014 (CET)
Seavas Matthias.
In de leztn Joah is vü fia megli ghoidn und is a sofuat publiziat wuan. Es is jo a aa hiats Gscheft, da teglige Kaumpf um de Vöadamittl.
A kuaza Auszug ausm foigandn Atükö, deas oafoch owa a vaschtendli bschreibt:
  • "Das Wurmloch selber besteht aus zwei Schwarzen Löchern, die durch einen Tunnel miteinander verbunden sind. Dieser Tunnel durch die Raumzeit wird von Wissenschaftlern als Einstein-Rosen-Brücke bezeichnet. Mathematische Lösungen der Relativitätsgleichungen lassen solche Raumzeit-Tunnel durchaus zu, jedoch unter Bedingungen, von denen Wissenschaftler annehmen, dass sie niemals existiert haben."
  • http://www.scinexx.de/dossier-detail-11-13.html
An scheen Obnd nu, vom Ludwig.
Luki (dischkrian)--Luki 20:00, 5. Mea. 2014 (CET)
@Blauer elephant: Du hosd mi iwazeigt. I hob ma etzad a boor Listn vo andan Wikipedien ogschaugt. Mia wean aa a Listn afbaun. --Matthias Klostermayr (dischkrian) 08:18, 6. Mea. 2014 (CET)
Es gibt auf meta übrigens eine Statistik dazu. Ein Drittel der Artikel ist in der Bairischen Wikipedia bereits vorhanden (wird berechnet über die Interwikilinks).
Auf der Alemannischen Wikipedia haben wir auch eine Liste zusammengestellt mit wichtigen Artikel zur Region. Ähnliche Listen gibt es auch in anderen Sprachversionen, siehe dort die Interwikilinks. --Holder (dischkrian) 09:23, 6. Mea. 2014 (CET)

Wikipedia:Artikl, de wo jede Wikipedia hom soit: wia vo Blauer elephant voagschlogn. (Wei des zua Beweatung vo Wikipedien deant, exakt wie af Meta-Wiki festglegt. De Listn deaf oiso nua af Meta vaendad wean.) --Matthias Klostermayr (dischkrian) 10:13, 8. Mea. 2014 (CET)

Nua Übasetzn?[Weakln]

Servus beieinand,

i hob die Seitn grad gfundn und hob ma denkt, da kannt i doch a wos schreim. I bin ma aba ned ganz sicha: Is des aa oke, wenn i nua an Artikl von da preissischn Wikipedia übasetz? Oda muass I an ganz an nein Artikel schreim?

--Whood (dischkrian) 22:47, 19. Feb. 2017 (CET)

Servus Whood,
Mehra wia 50% vo unsane Artiken san Iwasetzunga. Es gibt drei Meglichkeit (de "Import-Funktion" wia af de.wp nutz ma nit)
A bestn du nuzt dafia de Betafunktion "Inhaltsübersetzung", wei nacha brauchst di um nix weidas kimman (sogor de Interwikis wean automatisch eihdrong): *https://bar.wikipedia.org/wiki/Spezial:Einstellungen#mw-prefsection-betafeatures
Oitanativ gehst in de "Versionsgeschichte" vom deitschn Artike, den wosd iwasetzn wuist, klickst afs neiaste Datum und kopiast nacha de URL im Browser (sognennd "oldid"), z.B. fia "Karibisches Meer" schaugt des so aus: https://de.wikipedia.org/w/index.php?title=Karibisches_Meer&oldid=154935322
De URL kopiast nacha in de "Zammfossung"szein vom neichn Artike af bar.wp und schreibst am Ofang no: "vo de.wp: https://de.wikipedia.org/w/index.php?title=Karibisches_Meer&oldid=154935322"
Wann da des oiss z kompliziad is, nacha nutz de Vorlog:Import, wann dea Artike scho gschriem is.
Pfiade, --Howan Hansi (dischkrian) 08:08, 20. Feb. 2017 (CET)