Wikipediocracy

Aus Wikipedia
Zur Navigation springen Zur Suche springen
Wikipediocracy
Wikipediocracy logo.png
www.wikipediocracy.com
Motto Oh the hypocrisy!
Beschreiwung Blog und Forum fia Wikipedia-Kritik
Registriarung Optional
Sprochn Englisch
Aussakema 16. Meaz 2012
Joareseinnohm 0 (ned kommerziell)

Wikipediocracy is a Netzseitn bzw. Netz-Forum zun Dischkrian und Kritisian vo da Wikipedia und vo andan Wikimedia Foundation Netzseitn.[1] De Mitglieda vo dem Forum hom Probleme in da Wikipedia afdeckt und Journalistn ghoifn, iba de Probleme z berichtn.

Afgob (Mission)[VE | Weakln]

Af da Seitn vo Wikipediocracy findt ma de foigende Afgobm-Bschreibung: "to shine the light of scrutiny into the dark crevices of Wikipedia and its related projects; to examine the corruption there, along with its structural flaws; and to inoculate the unsuspecting public against the torrent of misinformation, defamation, and general nonsense that issues forth from one of the world’s most frequently visited websites, the 'encyclopedia that anyone can edit.'"[2]

Da Daily Dot Reporta Kevin Morris hod iba Wikipediocracy gschriebm: "known for digging up dirt on Wikipedia's top brass"(bekannt dafia, Dreck vo de hohn Viecha vo da Wikipedia aufzdeckn)[3].

Problemuntasuachung[VE | Weakln]

Rachefejdzug

Da letzte aufsehnearegende Foi, wo vo Wikipediocracy afdeckt worn is, wor dea vom Nutza Qworty, dea wo in da Wikipedia an extremen Rachefejdzug (Manipulation vo an Haufa Infos af vaschiednan Artikln) geng an Schriftstella initiat ghobt hod (Informationsvafäjschung) und ois rivalisiarenda Schriftstella Robert Clark Young entlarvt worn is.[1]

Wikimedia-Stiftung

A Wikipediocracy Blog Beitrog hod aufdeckt, dass vo ana IP-Adress, de wo da Wikimedia Foundation gheat, in da Wikipedia vandaliat worn is.[4] Da Sprecha vo da WMF Jay Walsh hod drauf Daily Dot Reporta Kevin Morris mitteit, dass de IP-Adressn ned zum Stiftungsbiro ghean, sondan zu Projektservern. Und dass da Grund a foische Zuaweisung vo IP-Adressn gwen warad. Da Morris hod drauf gschriebm, dass des stimma kannt.[3]

Jux-Artikl

Wkipediocracy hod in da englischn Wikipedia an Jux-Artikl (engl. hoax) iba an Kriag aufdeckt, den wo s nia gebm ghobt hod. Dea etzad scho gleschte Artikl "Bicholim conflict" hod an eafundanan Biagakriag thematisiat, wo ogeblich vo 1640-1641 in Indien stottgfundn hom soi. Dea Artikl is 2007 vo da englischn Wikipedia ois "Good article" auszeichnet und erscht 2012 glescht worn.[5]

Autorn[VE | Weakln]

Af da Seitn (im Blog) schreibt aa da Dr. Larry Sanger[6] a Mitgrinda vo da Wikipedia,[7] und an Hauffa deazeitige und ehemolige Autorn und Administratorn vo da Wikipedia. Da Gregory Kohs, da Eigntima vo MyWikiBiz[8], is aa a Autor[6] und da Eigntima vo da Domän vo da Wikipediocracy.

Beleg[VE | Weakln]

  1. 1,0 1,1 Leonard, Andrew (May 17, 2013). "Revenge, ego and the corruption of Wikipedia". Salon.com. http://www.salon.com/2013/05/17/revenge_ego_and_the_corruption_of_wikipedia/. Retrieved on May 18, 2013. 
  2. "Wikipediocracy". http://wikipediocracy.com/. Retrieved on 19 May 2013. 
  3. 3,0 3,1 Morris, Kevin (23 April 2013). "Wikipedia says its staffers are not vandalizing Wikipedia". The Daily Dot. http://www.dailydot.com/society/wikipedia-staffers-vandalizing-wikipedia/. Retrieved on 24 May 2013. 
  4. Hogsky, Roger. "Busy day at the Wikimedia Foundation office?". http://wikipediocracy.com/2013/04/22/busy-day-at-the-wikimedia-foundation-office/. Retrieved on 24 May 2013. 
  5. Morris, Kevin (1 january 2013). "After a half-decade, massive Wikipedia hoax finally exposed". The Daily Dot. http://www.dailydot.com/news/wikipedia-bicholim-conflict-hoax-deleted/. Retrieved on 18 May 2013. 
  6. 6,0 6,1 "Announcing a new Wikipedia criticism site | Wikipediocracy". http://wikipediocracy.com/press-release/. Retrieved on 19 May 2013. 
  7. Poe, Marshall. The Hive , The Atlantic Monthly, September 2006. Obgruafa am May 19, 2013. 
  8. www.mywikibiz.com