Thermodynamik

Aus Wikipedia
Der Artikl is im Dialekt Westmiddlboarisch (Bayern) gschriem worn.
Tipischa thermodynamischa Voagong am Beispui vo oana Dampfmaschiin (roud = sea hoaß, gejb = weniga hoass, blau = Endtemperatua vom Medium)

De Thermodynamik oda Wärmeleah is a Teigebiet vo da klassischn Physik. Des is de Leah vo da Energie, vo ian Erscheinungsformen und da Fähigkeit, Arbat z varichtn. De Grundlong vo da Wiakungsweise spiagln se in de via Haptsätz vo da Thermodynamik.

De Thermodynamik bringt Gressn wia Energie, Wärme, gleistete Arbat, Druck und Volumen mideinanda in Zammahang. So wean Aussogn megli, wejche Änderunga in oam System megli san, beispuisweis wejche chemischn Reaktiona oblaffa kenna und Ogom iwa de eafoadalichn Druck- und Temperatuabedingunga.

De Grundlong vo da Thermodynamik san ausm Studium vo de Volumen-, Druck- und Temperatuavahejtnisse bei da Dampfmaschiin entwicket worn.

Zammafossung vo de Haptsätz[Werkeln | Am Gwëntext werkeln]

0. Haptsotz: Stengan zwoa Systeme jeweis mid am drittn im thermodynamischn Gleichgewicht, so stengan se aa untaeinanda im Gleichgwicht.

1. Haptsotz: Energie ko weda eazeigt no vanicht, sondan nua in ondane Energieoartn umgwondlt wearn.

2. Haptsotz: Thermische Energie is ned in beliebigm Moß in ondane Energieoartn umwondlboa.

3. Haptsotz: Da absolute Nuipunkt vo da Temperatua is uneareichboa.

Literatua[Werkeln | Am Gwëntext werkeln]

  • André Thess, Das Entropieprinzip – Thermodynamik für Unzufriedene, Oldenbourg Verlag 2007, ISBN 978-3-486-58428-8
  • Herbert Windisch, Thermodynamik - Ein Lehrbuch für Ingenieure, Oldenbourg Verlag 2008, ISBN 978-3-486-58276-5
  • Dieter Leuschner: Thermodynamik in der Biologie. Eine Einführung. Akademie Verlag, Berlin 1989, ISBN 3-05-500487-6
  • Ulrich Nickel, Lehrbuch der Thermodynamik. Eine verständliche Einführung. 2. Auflage. PhysChem, 2011, ISBN 978-3-937744-06-3

Im Netz[Werkeln | Am Gwëntext werkeln]