Zwieslawoidhaus

Aus Wikipedia
Zur Navigation springen Zur Suche springen
Zwieslawoidhaus
Zwieslerwaldhaus
Gemeinde Lindberg
49.08944444444413.246111111111701Koordinaten: 49° 5′ 22″ N, 13° 14′ 46″ O
Häh: 701 m ü. NN
Postloatzoi : 94227
Voawoi: 09925
Karte
Zwiesla Woidhaus

Zwieslawoidhaus (amtli: Zwieslerwaldhaus) is a Oatstoi vo da Gmoa Lindberg im Landkroas Reng.

Log[VE | Weakln]

Zwieslawoidhaus is 4 km nerdle vo Ludwigsthoi im Erweiterungsgebiat voum Nationalpark Boarischa Woid.

Gschicht[VE | Weakln]

Anno 1764 is am Behmweg fia de Säuma aus ana Schutzhittn, de feste Schutz- und Eikehrstät Zwiesla Woidhaus baut worn. Mid da Zeid is s Woidhaus zu an wichtign Hoitpunkt fia Wandara und Reisande noch Behmen gworn. 1832 hods de erschde Konzession fian Biaausschank griagt und guit so ois s ejdasde Wiatshaus im Boarischn Woid. 1992 homs 48 Hotejzimma drobaut. A des oide Zoihaus am Oatseigang is no dahoitn und deant ois Wiatschaft. A oids Hoizheisl ainnat an s friare Siadn vo Pottaschn.

Mid de Joa is s Zwieslawoidhaus zu an beliabtn Toristnoat worn, im Septemba 1975 homs an Verein zur Förderung des Skiwanderzentrums Zwieslerwaldhaus e. V. grind. Scho im Dezemba im sejm Joa is a neis Schistadion afgmocht gwen. Via Loipa mid a Leng vo 30 km, oane davo bis in Tschechei umme, hod s Langlafzentrum Zwieslawoidhaus baut.

Noadestle vou Zwieslawoidhaus wors Uawoidgebiat Mittlsteighittn vo 1939, a Naturschutzgebiat vo za. 38 ha, Noadwestle des vo 1950 mid a Gräß vo za. 12 ha, Hans Watzlik Woid. Oi zwoa san 1997 midm Nationalpark Boarischa Woid vaschmoiza.

Siadwestle städ s Schwejheisl, a eemalige Klausn vo Hoizdriftan, jez a beliabde Ausfluagsgaststättn.

Im Summa is Zwieslawoidhaus a guada Ausgangspunkt fia Wandarunga, noch Boarisch Eisnstoa oda zan Groußn Arba zan Gloan oda Groußn Foikastoa und zan Ruckowitzschachtn.