Zum Inhalt springen

De easchtn Wuat

Links dazuafiang
Aus Wikipedia
Der Artikl is im Dialekt Owaöstareichisch gschriem worn.

Wea de easchtn Woat, dt.die ersten Worte gschprochn hod, des wean ma nia eafoan. Owa da jo scho de Vuamenschn soziale Wesn woan, wean se se mid Hend und Fiass, sowia mid Grimassn und Laut untaranaund vaschtendigt hom. Wias a nu heid de Schimpansn mochan.

De Fuagschicht

[Werkeln | Am Gwëntext werkeln]
A Hypothesn da menschlign Evoluzion nochn Friedemann Schrenk
A Zoachnung noch an Büdl in Science, Fossil vom Ardi

Am Fluss Awash, in da Afar-Senkn in Ethiopien, san in Terrassn-Schichtfund vo Vua- und Friamenschn vo vua 0,16 bis umma 4,4 millionan Joa vo Heid gfundn wuan.

Da ödaste Fund woa a Weiwal, a Ardipithicus-Ar. Ramidius Ardi. Ia Oita, 4.400.000. Joa oid. Se woa umma 1,2 Meta groß und hod a Gehiangress vo eppa 450 cm³ ghobt. Zan Vagleich, de Schimpansn hom umma 400 cm³ Hian. Se hod nu za de Hominini ghead, nu ned za de Hominiden. Da se nu oan weid ogschpreiztn großn Zeh ghobt hod, woas af de Baam a nu recht flott untawegs. In da Savanne oda in da Schteppn is nu recht unbhoifn aufrecht quatschlt.

Dea Ar. Ramidus woa nu koa Jaga, eigentli is a eha söwa gjogt wuan. Owa a Fleisch vo oan todn Viech hoda owa a ned vaschmeht. Aus seina Zeit is gaunz in da Nachn vom Fundoat a Fossü vo oan Flusspfeadl (da Schedl) gfundn wuan. Und af dem Skelettschedl san am Kiefa Schnittschpuan festgschtöd wuan. Des zoagt, das ma sein Kadava de Zung aussagschnidn hod. Des bdeit owa ned das da Ar. Ramidus-Ardi scho vurausdengand Weakzeig augfeatigt und bnuzt hod. Owa ea woa zamindastns scho so a Wiffzack, das Ea an Teu vo an zabrochanen Schtoa ois Messakling bnuzt hod.

Vua umma 3.500.000 Joa hom de Australopithecus-Au-Afarensis glebt. Des bkauntaste Fossü vo Eana is de Lucy. De gingan scho foßt nua mea aufrecht. Se hom owa a nua a Hiangress vo umma 450 cm³ ghobt.

Umma 3- bis 2 Millionan Joa vua heid hom im sidlign Afrika de Au. Africanus und in Ostafrika de Au.Aethiopicus-Ar. Garhi glebt. Vo dene gibts nochwoasli scho augfeatigte Schtoaweakzeig.

Midm Homo Habilis faungt de Untagruppn vo de Hominidn au. Ea hod scho a Hianvoluman vo 500 bis 750 cm³ ghobt. In seina Zeit hom se de Händ za de wundaborn, vüsoatig eisetzboan Univeaseuweakzeig entwückid, wos se wexlwiaksam aa af de Hiangress ausgwiakt hod.

  • De Skelettrestln vo da Lucy, umma 3.200.000 oda 3.500.000 Joa oid.
    De Skelettrestln vo da Lucy, umma 3.200.000 oda 3.500.000 Joa oid.

Da Homo Erectus

[Werkeln | Am Gwëntext werkeln]

Midm Homo Erectus woa da Mensch scho fost komplett. In seina Zeit hod se des Hianvoluman vo aufengli umma 800 cm³ gschteigat. Umma 500.000 bis eppa 300.000 vua Heid hod se sei Hianmassn af bis za 1250 cm³ zuagnumma. Und aa a seiniga Nochfuiga da Homo Neandertalensis dea se ausn Homo Heidlbergensis ausbüt hod und a Hianmassn vo umma 1350 bis 1750 cm³ aufwoast. Da modeane Mensch, mia de Homo Sapiens hom a Hiangress vo Umma 1350 cm³ (vo 1200 bis 1800 cm³).

De easchtn Laut

[Werkeln | Am Gwëntext werkeln]

De Schpauviecha druckan eana Woihbfindn duach Grunzlaut aus. Owa a Woanungan voa heraukemade Feind zoangs de Aundan au. Mit Gekreisch oda Pfiff, wia de Muamöviecha. So wean se aa de Vuamenschn untahoidn hom. Mid Schmatzn, Böhn, Brumma, Zischn, Pfeifn, Grimassn schnein und voa oim mid Hend und Fiass. Mea warad a ned gaung, den da Köhkopf woa nu zweit obn im Rochn.

Da tiafa grutschte Kökopf

[Werkeln | Am Gwëntext werkeln]
  • Da Afbau vom Köhkopf (Larnix)
    Da Afbau vom Köhkopf (Larnix)
  • A Gweaschnit duachn Rochnraum
    A Gweaschnit duachn Rochnraum

Agfaungt hod ois scho midm aufrechtn Gaung. Bei de Primatn, de jo af olle Viare laffn is da Schedl weida hint obn mid da Wiawosäun vabundn. Weu wauns af de Via Haxn schtengan is so des Blickföd fia se am Bessan. Oiso miassns, wauns afrecht watschln, den Schedl noch Vuan owibeign, weu sonst schaugadns schreg in Hümmi afi und ned noch Vuan.

Ois, insare ausgschtumna Vuafohn de Hominini, se umschtendhoiba entschlossn haum afrecht duach de Savannen zlaffa, hod se ned nua eanane Becknschtöllung vaendat. Sundan eana Wiawösäun is am Schedl weida zan Kin owagrutscht, damids wida noameu grod ausgschaut hom. Dabei is owa a da Köhkopf tiafa grutscht. Anatomisch woa des owa a Nochteu. Den de Offn kenan nu Heid glochzeitig Dringa und Odma, den eana Ködeckl ligt iwan Gaumensegl und so kenan se de Noahrung und de Odmluft ned iwakreizn. Bei ins is owa da Köhdeckl, im Rochn, so weid owigrutscht, das ma nua mea oans kenan. Entweda Schlucka oda Schnaufn. Oi Zwoa geht ned, do dat ma se oadandli Vakutzn.

Intaressant dabei is owa, das se des midm tiafan Köhkopf bei ins eascht im driddn Lebnsjoa vaendat. Insare Kloakinda haum owa nu bei da Gebuat und in de boa Jahrl nochand nu in Köhkopf weida Obn. Wia insare Ur...Ur Vuafoahn. Ob de Umbüdung bei de Buzal megligawoas mid eanane Vasuach wos zduan hod, weus jo vo da Krapplfasn aus des Geh leana woin und so aa oiweu mere af zwoa Fiass daheakeman?

  • De Schtimmlippn.
    De Schtimmlippn.
  • De Schtimmlippn bei da Oawad.
    De Schtimmlippn bei da Oawad.

Duach den owigwaundatn Köhkopf is owa da Rochnraum um a Vüfochs gressa wuan. Und is dahea a za an gressan Resonanzraum wuan, in dem a de Zung mea Plotz griakt hod. Und mid vaendate Zunganschtöllungan san a Tön im Rochnraum vaendaboa. Und mid de Schtimmlippn (Schtimmbandln), de in Ton eazeign, in dems den Oschtaundd vo da sognauntn Schtimmritzn vaendan. Und so kena ma ned nua Laut vaendan (Redn), sundan sogoa Singa und Tirillian.

Wos duachs Redn mitanaund ois megli wuan is

[Werkeln | Am Gwëntext werkeln]

Aus da Zeit vo 500-300.000 Joa wean dem Homo Erectus Feiaschtön zuagschrim, in Zhoukoudiana (Kina), bei Terralba (Schpanien) und in Binzlingslebm (Thüringen). De hod a nu ned augfocht. Es woan vamuatli Söbstentzindungan oda Feia duach Blitzschleg. Owa ea hod de Flaumman za sein Loga brocht und gwat und bhiat. Den in de Braundschichtn hod ma aukoihte Knochn und vafabte Schtoagrät gfundn. Logaplotz mid Restln vo Bhausungan hod ma in Prezlrtice Behmen (Tschechei), Tarra Amata (Sidfraunkreich) ausgrom. In Bilzingsleben san a Gretschoftn gfundn wuan de af oa Oawadsoaganisazion schliassn lossn. Da ma aa feins, schpitz Weakzeig zan Duachschtecha vo Fö gfund hod, losst draf schliassn das da Homo Erectus scho oafoche Leda oda Fökloadl zan Aulegn ghobt hod.

Des ois woan grosse, kuiturö Eafoig, de a umfaungreichare Sozieuisiarung eascht megli gmocht haum. De Afschtöllung vo Jogdgruppn und des Beredn iwa de Jogdtaktik. De Afteulung da Jogdbeute. De bessare Pfleg vo Kraunke und Valezte, de Eioadnung in a gressare Gruppn. De Woih, de Earichtung und Eahoitung vo de Logaplotz. Owa aa de Trotscharei!

Wia scho bschrim is vua umma 500- bis 300.000 Joa, beim Homo Erectus des Hian af a Gress vo 1250 cm³ augwoxn. Ea hod oafoch via mera neiche Technikn und Fehigkeit weit mera Synapsn und via De a meara Plotz braucht.

Da Homo Erectus hod olle Vuraussetzungan zan Redn ghobt. Megli das nu a oafochare Schproch woa? Owa so wias ausschaugt woa da Homo Erectus da Easchte dea oadandli gred hod.

Schau aa

[Werkeln | Am Gwëntext werkeln]

Litaradua

[Werkeln | Am Gwëntext werkeln]
  • Martin Kuckenburg: Wer sprach das erste Wort? Die Entstehung von Sprache und Schrift. Theiss, Stuttgart 2004, ISBN 3-8062-1852-8.
  • Ruth Berger: Warum der Mensch spricht: Eine Naturgeschichte der Sprache. Eichborn, Frankfurt 2008, ISBN 978-3-8218-5687-2.
  • Ludwig Börne: Bemerkungen über Sprache und Stil. (1826) In: Inge und *Peter von Rippmann (Hrsg.): Sämtliche Schriften. Bd. II, Melzer, Düsseldorf 1964 und Melzer, Dreieich 1977 als TB-Ausgabe
  • Haig A. Bosmajian: The Language of Oppression. Univ. Press of America, 1983, ISBN 0-8191-3186-5.
  • Karl Bühler: Sprachtheorie. Fischer, Stuttgart 1934.
  • David Crystal: Die Cambridge Enzyklopädie der Sprache. Campus, Frankfurt 1995, ISBN 3-88059-954-8.
  • Johanna J. Danis, RHS: Reden, Hören, Sprechen. Minga 2002, ISBN 3-925350-77-2.
  • Donald Davidson: Seeing Through Language. In: Truth, Language, and History. Oxford Univ. Press, Oxford 2005, ISBN 0-19-823756-1.
  • Ekkehard Felder (Hrsg.): Sprache. Springer. Berlin, Heidelberg 2009, ISBN 978-3-642-00341-7.
  • Rolf Elberfeld: Sprache und Sprachen. Eine philosophische Grundorientierung. Karl Alber, Freiburg i. Br./ Minga 2012, ISBN 978-3-495-48476-0.
  • Steven Roger Fischer: Eine kleine Geschichte der Sprache. 2., ungekürzte Ausgabe. DTV, Minga 2004.
  • Harald Haarmann: Kleines Lexikon der Sprachen. Von Albanisch bis Zulu. Beck, Minga, ISBN 3-406-47558-2.
  • Martin Heinze u. a. (Hrsg.): Sagbar – Unsagbar. Philosophische, psychoanalytische und psychiatrische Grenzreflexionen. Parodos, Berlin 2006, ISBN 3-938880-01-5.
  • Johann Gottfried Herder: Abhandlung über den Ursprung der Sprache. In: Projekt Gutenberg-DE.
  • Wilhelm von Humboldt: Grundzüge des allgemeinen Sprachtypus. Philo, Berlin 2004, ISBN 3-8257-0068-2.
  • Peter-Michael Fischer: Die Stimme des Sängers. Metzler, Stuttgart, Weimar 1993, ISBN 3-476-01604-8
  • Karl-Heinz Göttert: Geschichte der Stimme. Minga 1998, ISBN 3-7705-3281-3
  • Günther Habermann: Stimme und Sprache. 4. Auflage. Thieme, Stuttgart 2003, ISBN 3-13-556004-X
  • Bernhard Richter: Die Stimme. Grundlagen, künstlerische Praxis, Gesunderhaltung. Henschel Verlag, Leipzig 2013, ISBN 978-3-89487-727-9
  • Johan Sundberg: The Science of the Singing Voice. 1987, Die *Wissenschaft von der Singstimme, deutsch: Friedemann Pabst, Orpheus, Bonn 1997, ISBN 3-922626-86-6
  • Ingo Titze: Principles of Voice Production. Prentice Hall, 1994, ISBN 0-1371-7893-X (Facsimile)
  • Jochen Waibel: Ich Stimme. Das Stimmhaus-Konzept für die Balance von Stimme und *Persönlichkeit. EHP, Köln 2000, ISBN 3-9804784-3-2
  • Jürgen Wendler, Wolfram Seidner, Ulrich Eysholdt: Lehrbuch der Phoniatrie und Pädaudiologie. 4., völlig überarbeitete Auflage. Thieme, Stuttgart, New York 2005, ISBN 3-13-102294-9

Aufsätz

[Werkeln | Am Gwëntext werkeln]

Im Netz

[Werkeln | Am Gwëntext werkeln]

Schprocheafindung

[Werkeln | Am Gwëntext werkeln]

Da ogsenkte Köhkopf

[Werkeln | Am Gwëntext werkeln]

Interwiki-Notiz

[Werkeln | Am Gwëntext werkeln]
Voh „https://bar.wikipedia.org/w/index.php?title=De_easchtn_Wuat&oldid=831520“