Liachtstrom

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.
Disambig-dark.svg Dea Artikl do bschreibt de physikalische Größe Liachtstrom. Liachtstrom ko a umgangssprachlich fia an 230 V -Einphasenwechselstrom steh, so wiar a aus na normaln Haushalts-Steckdosn kimmt, in Untascheidung zum Kraftstrom.

Da Liachtstrom is as photometrische Gengstück zur Strahlungsleistung. Des bedeit ma beziagt in de Berechnung vo am Liachtstrom de Helligkeitsempfindlichkeit vom menschlichn Aug mit ei. So hod a greans Liacht mit na Leistung vo oam Watt an Liachtstrom vo 683 Lumen. De gleiche Strahlleistung an Infrarotstrahlung hätt Null Lumen, wei mas ja ned seng ko.

Da Liachtstrom hängt ned nua vo da Strahlungsleistung und da Farb vo dem Liacht ob. S' gehd ja ums Helligkeitsempfindn vo am Menschn. Und as Aug is in na dunkln Umgebung (Nachtseng) fui empfindlicha ois in na helln Umgebung (Dogseng). Des werd iaba untaschiedliche Werte fias photometrische Strahlungsäquivalent brücksichtigt:

  • für fotopisches Seng (Dogseng): K_m = 683\ \mathrm{\frac{lm}{W}} bei na Wellnläng vo 555 nm, oiso grea
  • für skotopisches Seng (Nachtseng): K_m = 1725\ \mathrm{\frac{lm}{W}} bei na Wellnläng vo 505 nm, oiso blaugrea

Umrechnung aus da Strahlungleistung[VE | Weakln]

Im oafachstn Foi hod ma a greans Liacht, do kriagt ma fia oa Watt Strahlungsleistung an Liachtstrom vo 683 Lumen. Bei olle andern Farbn is weniga, entsprechend vo da Empfindlichkeitsvateilung vom Aug. Fia a beliebige Mischung muaß ma an Leistungsanteil vo jeda Farb mit seina Sehempfindlichkeit varechna, dann olle Anteile aufsummiern unds Ergebnis mit dene 683Lumen/Watt multipliziern. Mathematisch korrekt is des koa Aufsummiern sondern a Integration:

\Phi = K_m \cdot \int_{0}^{\infty} \frac{\mathrm{d}\Phi_e(\lambda)}{\mathrm{d}\lambda}\cdot V(\lambda) \mathrm{d}\lambda

dobei beschreibt de Funktion \Phi_e(\lambda) de Vateilung vo da Strahlungsleistung (in Watt) iaba de Wellnläng (in nm)

de Funktion  V(\lambda) bschreibt de Empfindlichkeitsvateilung vom Aug via vaschiedne Farbn. Beim Dogseng hod de Funktion ihr Maximum vo Oans bei 555 nm. Bei Wellnlängn aussahoib vom sichtbarn Bereich hod de Funktion Werte vo Null.