Zwångsstörung
| Der Artikl is im Dialekt Soizburgarisch gschrim worn. |
Zwångsstörungen san psichische Störungen, bai denen se de Pazientn Gedånkn und Håndlungen aufdrenga, de zwor ois gweelnd empfundn wern, owa trozzdem umgsezzt wern miassn, aa wånns völlig üwadriem oda sinnlos san. De drå Dakrånktn dakennan dees zwor maistns, kennan se drüwa owa ned hinweggsezzn.
Zwångsstörungen san durch wiedakearnde Zwångsgedånkn und/oda Zwångshåndlungen kennzaichnet, de an rituöin Karaakta ånemma kennan. Zwångsgedånkn san Ideen, Vorstellungen oda Impuise, de se dauand wiedahoin, gweelnd san und ned durch Wüinsåstrengung beaiflusst wern kenna. Zwångshåndlungen san Stereotipien de ständig wiedahoit wern miassn. Tipische Baispiele san da
Inhoitsvazeichnis |
| Klassifikazion noch 'm ICD-10 | ||
|---|---|---|
| F42 | Zwångsstörung | |
| ICD-10 online | ||
- Woschzwång
- Kontroizwång
- Zwångsgedånkn
- maagischs Denkn
- Ordnungszwång
Zwångsstörungen kennan so stork ausprägt sai, dass a normaale Leemsfürung nimma mear möglich is.
Ursochn [dro werkln]
A aanzige auslösnde Ursoch kennd ma ned. Worschainlich is d' Kombinazion vo Faålogung, Hirnstoffweggslstörungen und seelische Ursochn fir 's Entstee vo aana Zwångsstörung vaåntwortlich. Nochwaisbor san zum Bsp. Vaändarungen im frontaaln Kortex vo de betroffanen Pazientn.
Behåndlung [dro werkln]
Mid da Vahoitnsterapie steed mittlawaile a effektiivs psichoterapaitischs Behåndlungsvavorn zur Vafügung. Åndane Psichoterapievavorn san bai dera Erkrånkung ned so wirksåm und a friare effektive vahoitnsterapaitische Behåndlung soitad ned vazögat wern, wail a Behåndlung am Ånfång vo da Störung erfoigsvasprechnda is.
Zur Standardterapie (bsundas in da aakutn Faasn) ghert aa a Behåndlung üwa längare Zaid mid Medikamente, de d' Wirkung vom Bootnstoff Serotonin im Hirn vabessan (sognånnte Selektive-Serotonin-Wiedaaufnåmehemma). D' Terapie mid d' Medikamente is ergänznd zur Vahoitnsterapie sear zum empfeeln und kå d' Sümptoome daitlich reduziarn. A voiständige Hailung is nur söitn z' daraichn, a staabile Remission is owa fost oiwai möglich.
