Alfred E. Neuman
Alfred E. Neuman (boarisch Alfred E. Neimo, dt. Alfred E. Neumann) is des fiktive Maskottal und da Titlhejd vo da Satirezeidschrift MAD (seid 1954). De fiktive Figua hods owa scho long vua MAD gem und lossd se bis ins 19. Joarhundad zruggvafoign.
Doargstejt wead da Alfred E. Neumann ois Strossnbua mid roude Hoor und wegstehade Ohrwaschln, Gugascheckn und broadn Grinsn, wo a Zandlucka afzoagt.
Gschicht[Werkeln | Am Gwëntext werkeln]
Des Gsicht vo dem Buam is scho am End vom 19. Joarhundad zan easchtn Moi afdaucht. Oft weads im Zammahang midn Motto "What, me worry?" (boarisch: "Wos, i moch ma Suagn?") vaknipft.
Anno 1954 is des Gsicht vom Alfred zan easchtm Moi in da MAD owdruckt worn. 1955 zan easchtn Moi af da Titlseitn. Domois hams eam no "Melvin Cowznofski" gnennt. 1956 nach is a "Alfred E. Neuman" gnennt worn, nochn Dirigentn Alfred Newman.
Bedeitung[Werkeln | Am Gwëntext werkeln]
Alfred E. Neuman guit ois deppada Depp, ois Symboi fia grenznlose Bledheid. Sei Motte "What, me worry?" is a Ausdruck vo Naivitet.
Im Netz[Werkeln | Am Gwëntext werkeln]
Commons: Alfred E. Neuman – Sammlung vo Buidl, Videos und Audiodateien