D Wikipedia is a Projekt, wou a fraie Enzyklopädie afbaut wird, in mejerer wej 250 Sprouchn. Ållas, wos gschrim wird, derf frai kopiert und waitergem wern. Da Åfång is gånz oafach! Dej Version is in da Boarischn Sprouch gschrim. Des bedaitt, das ba dean Projekt ålle mittou kinna, wou an Dialekt vo derer Sprouch beherrschn. Unser Enzyklopädie wåchst durch de fraiwülliche Hülf vo ålle, dej wou wos in eanerer Mundort baitrong wölln. Jeder Aintroch kå vo ålle Bsoucher gschrim und gendert wern. A jeder is herzlich zon Mittou aglon. Bringts enker Wissn a und hölfts su mit es Boarische pfleng, afwertn und dahåltn. Wenn'ts es Boarische schraibts, kinnts enk nouch de Regln vo da Boarischn Umschrift orientiern. Enk kinnts ower frede a Dialektumschrift hernema, dej wou enk zousågt.
"A klõana Kukuk und a Hortensie", a Haiga fum Yosa Buson
A Haiku (japanisch: 俳句) is a åide dradizionele Oat fu Gedichtl aus Japan. A so a Haiku muas schdreng nåch am bsondan Konzept gschrim wean und de Dradizion håd a iare Wuazln im religiesn Wödbüd fum Budismus. Dé Haiku-Gedichtl in eanara haiding Foam han im 19tn Joahundat entschdãndn und baun auf ãndare Foamen fu budisdische Gedichtl auf, dés a in ãndane asiatische Lenda gém håd. Haid is's åwa aso, das Haikus néd neta in Japan gean gschrim und glésn wean, sondan a in ãndane Lenda und ãndane Schbråchn gibt´s haid Haikus, sogoa auf Boarisch. Haiku wean auf Japanisch oiwai in õana senkrechtn Zailn gschrim. In Schbråchn dé d'lådainischn Bugschdåm hea neman, bschded a Haiku oiwai aus 3 Zailn, wo de easchde 5 Süm, de zwoate 7 Süm und de drite a wida 5 Süm håd (5-7-5). De Fabindung fu am Haiku-Gedichtl mid Målarai und Kaligrafi hoast Haiga, de Haiku-Dichda nend ma Haidschin. Artike weida lesn
_by_Yosa_Buson.jpg)
.svg){kind=small}
