Akkadisch
Des Akkadische is a Sproch, die vo etwa 2500 vua Christi bis etwa 600 vua Christi gsprochn und nu länga gnutzt woadn is, etwa bis 100 noch Christi. Es is a semitische Sproch (ostsemitisch) und is in da Keuschrift übaliafåd. Gschporchn und gschriam woas im antikn Mesopotamien, wo de Sumera und die Akkada gwohnt hom. (Und a nu vü ondare Vöka, zum Beispü de Amurrita, de Kassitn, de Hurrita, ...).
Inhoitsvazeichnis |
Schrift [dro werkln]
Gschriebn woa des Akkadische wi gsogt in da Keuschrift, des is a gonz urige Schrift de nua aus wogrechtn, senkrechtn und schregn Keun und aus Winklhokn bested. Die Keu weadn doduach eazeugd, doss ma mit am Stickl von an Schüfrohr in an wachn Ton druckt. Doduach, doss des Stickl on am End brada ist ois am ondan entstehd de typische Keufoam.
Eafundn is di Keuschrift von de Sumera woan füa dera ir Sproch im 3. Joatausnd vua Christi. Gonz am Onfong woa di Schrift goa ka Keuschrift, sondan a Büdschrift. De hod se east im Lauf da Zeid zu ana Keuschrift entwickld. Mid dea Schrift, de onfongs nua Büdzeichn kond hod (Logogramm), host don a Zeichn mid an Laudweat schreibn kenna (Phonogramm).
De Keuschrift wiad vo lings noch rechds gschriam.
Sproch [dro werkln]
Des Akkadische is a semitische Sproch, des haast sie is aufbaut mit an System von Wuazln. A Wuazl is sowos wia a Basis von an Wuat, de di Bedeutung festlegt. Um und zwischn de Wuazln weadn Vokale und Affixe eingstreut, sodass sich grammatische Foamen eagebn.
Beispü [dro werkln]
- šapārum (Infinitiv) -> de Wuazl davo is *špr
Des san drei Konsonantn (meistns sans drei, monchmoi a viere oda a nua zwa), und um an Ininitiv zu büdn san zwei "a" dazwischn eigfügt, a kuazes und a longs und am Schluss a Endung "um".
Nu a Beispü: de Konjugation vum Präteritum vum Verb šapārum im Singular
3. Peason masc. išpur
3. Peason fem. išpur oder tašpur
2. Peason masc. tašpur
2. Peason fem. tašpuri
1. Peason com. ašpur
Quön [dro werkln]
Wolfram von Soden - Grundriss der akkadischen Grammatik
