Amos (Buach)

Aus Wikipedia
Ikone vom Prophetn Amos

Des Buach Amos is a Buach vom jüdischn Tanach und vom Oitn Testament in da christlichn Bibel und ghert zum Zwöifprophetnbuach dozua. Des Buach is noch dem Prophetn Amos (hebr. עמוֹס, „Träga“) benonnt.

Dem Buach zufolge is da Prophet Amos aus dem Ort Tekoa kumma, etwa 15 km südlich vo Jerusalem. Diesa Ort hot zwor zum Südreich Juda ghert, oba da Amos hot ois Prophet im Nordreich Israel gwirkt. Eingtlich wor er a Bauer, der Rindviecha zücht und Maulbeerfeign obaut hot. De Zeit vo seim Wirkn wird af etwa 760 v. Kr. gschätzt.