Amulett

Odal-Rune

Christophorus-Kreiz: Christophorus ois Schutzheiliga und s Kreiz ois wichtigs christlichs Schutzsymboi

A Amulett (lateinisch amuletum – „Kroftspenda“, voahea arabisch hammala – „Trogebandl“) is a Gegnstod, dem o magische Kräfte zuagschriem wean. A Amulett soi Glick bringa und voa Schodn schitzn: Beispuisweis ois Schutz voam "besn Blick" oda "oias Liabeszauba".

Amulette weanoft am Keapa trogn, owa aa in Foazeign und im Haus aufbewoat. Scho in da Stoazeit hom si Menschen Iwarestln vo da Jogdbeite umghängt, zum Beispui Zähnt und Kroin. Des soit an Menschn, wo des trogn hod, de Kroft vo dem Viech gem.

Variantn in vaschiedanan Kuituan

Es gibt an Hauffa Variantn vo Amulettn in vaschiedanen Kuituan, zum Beispui:

• Oids Ägyptn: Skarabäus
• Christn: Kreiz, Reliquien
• Oids Griachaland: Goidans Vlies
• Germanen: Thorhamma
• Indiana vo Noadamerika: Medizinbeidl

Schaug aa

• Totem

Literadua

• Hans Bonnet: Amulett. In: Lexikon der ägyptischen Religionsgeschichte. Hamburg 2000; ISBN 3-937872-08-6. S. 26-31.
• Manfred Brauneck: Religiöse Volkskunst. DuMont, Köln 1979, ISBN 3-7701-0967-8. S. 301.
• Gonzalez-Wippler, Migene: Complete Book Of Amulets & Talismans. Lewellyn Publications 2001, ISBN 0-87542-287-X

Im Netz

 Commons: Amulett – Sammlung vo Buidl, Videos und Audiodateien

• Artikel von Christa Tuczay in Hexenforschung/Historicum.net
• A Common Amulet in Judaism - Islam and Christianity
• Elfin symbol dictionary
• Hamsa 101