Antonija Šola
D'Antonija Šola (gebohrn am 5. Juni 1979 z'Agram/Zagreb, Jugoslawien, heid Kroatien) is a kroatische Schauschbielarin, Pop-Sängarin und Liedamacharin.
Inhoitsvazeichnis |
[drå werkln] Lêm und Karrier
D'Antonija Šola is 1979 z'Agram[1] ajs Dochda vu da Kaja vum Marko gebohrn worn. Sie håud ihr Kindhaid z'Pula (Polei) und Bjelovar (Bellowar) vabråuchd. Z'Agram håud s' erfoigraich Soziologie und Kroatisdik[2] schdudiat. 1998 håud s' an da Wajh zur Miss Kroatien teilgnumma. Sait 2004 schbüüd s' in da kroatischn Saifnoper Zabranjena Ljubav (Verbotene Liebe) d'Roin vu da Tina Bauer-Fijan[3]. 2007 håud s' ajs Sängarin a Gastroin in da kroatischn Fernsehserie Nad Lipom 35[3] ghabd. Obwoi d'Antonija eiha a Schauschbielarin is, håud s' bis ajz ziemle erfoigraich Liedtexte fir insgesamt zwööf Aîm gschriem, und fir dreizeah Lieda, daj wåu af kroatische Musiggfestivöüs gschüd worn han. Ajs Liedermacharind und Sängarin håud s' zum Baischbü meija Kompositiona fir'n Toše Proeski[4] vafassd, mid deam wåu s' a båår Maj im Duett[2] aftretn is.
Außadem is d'Antonija 2008 baim kroatischn Musiggfestivöü Dora aftretn, wås glaichzaitig aa da kroatische Vorentschaid fir'n Eurovision Song Contest is. Mid ihrm Lied Gdje je srce, tu je dom („Dåu wåu as Herz is, is aa a Hoam“) håud s' die glaiche Punkzajh grajgd, waj aa d'Sieger Kraljevi ulice & 75 Cents. Kraljevi ulice & 75 Cents håm åwa gwunna, wai's vu da Schüri meija Schdimma grajgd håm waj d'Antonija. Und wenn bai am Glaichschdand san d'Schürischdimma entschaidnd.
2008 håud d'Antonija mid'm Lied Božji pat (Божји пат, „Pfad vu Gott“) as jéhrliche mazedonische Ohrid Fest gwunna. Božji pat is di mazedonische Version vu ihrm kroatischn Hit Nebu pod oblak.
D'Antonija arwad aa mid kroatische, slowénische, bosnisch-herzegowinische Liedamacha, Musika und Produzentn zsamm.
[drå werkln] Diskographie
- Meija dazou findst in da Diskographie und Filmographie
[drå werkln] Singles
- 2006 - Zovem da ti čujem glas (I rouf oo, um Dai Stimm zum hérn)
[drå werkln] Aîm
- 2007 - Anđele (Engl)
[drå werkln] Sunstige Lieda
- „Anđele“ (Engl), ajs „Angelu“ af mazedonisch
- „Dođi najbrže“ (Kumm schnöü)
- „Eldorado“
- „Nek ti bude bolje bez mene“ (Ohne mir soi's Da bessa gajh)
- „Neka bude zauvijek“ (Es soi fir imma sai)
- „Što mi radiš to“ (Warum doust Du mir des oo)
- „Zovem da ti čujem glas“ (I rouf oo, um Dai Stimm zum hérn)
- „Gdje je srce tu je dom“ (Dåu wåu as Herz is, is aa a Hoam)
- „Nebu pod oblak“, ajs „Božji pat“ af mazedonisch
[drå werkln] Oanzlnåuchwais
- ↑ vgl. http://www.hrt.hr/dora/dora2003/biografije/tonka.html
- ↑ 2,0 2,1 vgl. http://www.antonijasola.info/
- ↑ 3,0 3,1 vgl. http://german.imdb.com/name/nm1787631/
- ↑ vgl. http://www.diskografija.com/umjetnik/antonija-sola.htm
[drå werkln] Weblinks
- Offizielle Website (kroatisch)
- Diskografie (kroatisch)
