Buntschroutzen

Der Artikl is im Dialekt Póngaurisch gschrim worn.

Buntschroutzner (Cichlidae)
Letourneux' Róder Buntschroutz (Hemichromis letourneuxi)
Systematik
Klass: Stroinfléssler (Actinopterygii) Teiklass: Echte Boahlingsfiesch (Teleostei) Ywerordnung: Stouchéfléssler (Acanthopterygii) Ordnung: Schroutzen (Perciformes) Unterordnung: Lippfieschoartige (Labroidei) Familie: Buntschroutz
Wissenschouftlicher Nóm
Cichlidae
(Heckel, 1840)
Vabreitungsgebiat
Vabreitungsgebiat vah dia Buntschroutzner

Dia Buntschroutzen óder aa Buntbarsch óder Cichliden (Cichlidae) sand a Famij vah da Ordnung vah dia Schroutzner (Perciformes). Cichliden sand ouft seer formenreich (1.700 Oarten).

A Pour Oarten sand wichtige Speisefiesch, ónnerne sand ois Aquariënfiesch beliabb. A' da Evóluziónsforschung houd d' Untersuaching vah dia Schroutzner intressante Erkénntniss za dia Mechanismen vah da Oartenbijdung broucht. D' Evóluzión vah d' Buntschroutzner vam Viktóriasee und eanerne Vawóndten in dia benouchbaschten Seen, stejd heid a Módej fyra relatiav rosche Oartenenwickling dour.

Vabreitungsgebiat

Dia Vurfourn vah d' Buntbarsch sand ursprynglich aus'm Meer kémmer und sand erscht nouchernt zan Leem an Siasswousser ywergonger.

Buntschroutzner bewónernd mid epper 1.700 Oarten an greessern Toaé vam trópischen Afrika und mid epper 550 Oarten 's Amerika sydlich vam 30 Graad nerdlicher Breaden. 17 Oarten leemd auf Madagaskar, sé sand stourch in eanerm Bstónd gfärdescht. In Asien sand dia Buntschroutzner mid netter ejf bis zwéjf Oarten vadreeden (drói in Indiën, oane an Iran: Iranocichla hormuzensis) und siem bis oucht in Istraej und Jordaniën (Jordantoi).

Alloah in d' óstafrikanischn Seen (Malawisee, Tanganjikasee) leemd 350 Oarten und im Viktóriasee kemmernd 250 bis 350 Oarten vir.

Audio