Dehradun

Aus Wikipedia
Wexln zua: Navigation, Suach
Der Artikl is im Dialekt Hausrukfiatlarisch gschrim worn.
Dehradun (Indien)
DMS
Dehradun ohne Koordinaten
Då in Indien is Dehradun

Dehradun (Hindi: देहरादून, Dehrādūn; fria a Dehra Doon gschrim) is said'n Nofemba 2000 d'brovisoarische Hauptschdåd fum Bundesschdåd Uttarakhand in Indien.

Dehradun is õane fu de ödasdn Schdet in Indien und foa friara d'Hauptschdåd fu Garhwal. In de Gurkha-Griag woas åb 1814 õans fu de Zü fum britischn Milidea, wås dåmåis dafia gsoagt håd das de nepalesische Kontroin fu deara Region a End håd und sé dafia dé han, wås doat ãschåfn kinan. Nåch da Foikszelung fu 2001, lém haid in Dehradun 447.808 Laid.

Bekãnt is de Schdåd in Airopa und Amearika foa oim a déswéng, wai doatn im Zwoatn Wödgriag as Låga woa, wo de Englenda ole Schdådsbiaga fum Daidschn Raich, dés in gãns Asien dawischt hãm, âigschbead hãm. Unta ãndam woa doatn a da Harrer Heinrich und da Aufschnaiter Beda âigschbead, befoa dé zwoa ausbrocha han und fu doat aus eana berümte Flucht nåch Tibet ãgfãnga hãm. De bekãnte Umwödschuz-Aktivistin Vandana Shiva is a fu doat.

Dehradun hoast a da Distrik rund um de Schdåd, dea mid da Schdåd söwa 3088 km² håd und wo 1.025.680 Laid wonan.

Im Netz[VE | Weakln]