Eadweak

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
Woigrobm

Unta Eadweak oda Erdwerk vastähd ma Aulogn, de wo da Mensch voa oim in prähistorischa Zeid zun Schutz gegn Viecha und ned guadgsinde Menschn auglegd hod .

Da Homo Erectus hod scho damid augfaungd, Vateidigungsaulogn z baun. Sie haum ja nu ka passats Weakzeig ghobt und so haum sa si vamutli gschiggde Stöin in da Natua ausgsuacht. Gaunz praktisch woarn do Höin oda Übahang . So woans vo drei Seitn gschizt. Das oba aa de viate Seitn zuamocha haum kina, haums scho hoart werkln miassn. So haums, am Bestn durnige Buschn ausgrissen oder Reisat gsaumöd. De haums daun, mit de Astln no aussi vabandld und inananaundagsteggd. Des wos do eafundn woan is, wiad ma speda an Vahau nenna. So a System hod sie bis heid in Afrika ghoidn. Doat wean die Vicha vun an Kral (Hof) auf d`Nocht zaumtrim und hinta vaflochtanan Reisad und durnige Buschn voa die wüdn Viecha gschizt.

A poar Joartausend späda, ois da Homo S.Sapiens (da modeane Mensch) scho in gressan Gruppn untawegs woa, haum de Menschn scho bessa gsichate Platzal auglegt. Ned nua gegn de wüdn Viecha, sundan aa gegn aundare Sippn. Ois Jaga und Saummla sans jo oiwei dena Viecha nochi, bis in die weidn Ebanen eini. Und do hods kane Höin mea gebn. Oiso haum sa si wos eifoan lossn miassn. Se haum si Logaplotz gsuachd, de wos mid an kloan Afwaund in sichare Ploz ausbaun haum kina. Des woan zun Beispui Obhäng, Insln in an Sumpf oda Morast; Insln oda Hoibinsln in an mäandandn Fluss oda baamfreie Platzal in an vawochsnan Woid. Und de Platzal haums nacha mid Stoana (Drocknmauan), Flechtweak (Reisad) und/oda Eadn gfestigd. Grobn und Eadwoi san in spädara Zeid dazua kema.

Schau aa[VE | Weakln]

Literadua[VE | Weakln]

  • Tim Kerig: Von Gräben und Stämmen: Zur Interpretation bandkeramischer Erdwerke. In: U. Veit, T. L. Kienlin, C. Kümmel u. S. Schmidt (Hrsg.), Spuren und Botschaften: Interpretationen materieller Kultur. Tübinger Archäologische Taschenbücher 4, Münster 2003, S. 225–244.
  • Robert J. Mercer: Causewayed Enclosures. Princes Risborough, Shire 1990, ISBN 0747800642.
  • K. Schmidt: Bandkeramische Erdwerke - Verteidigungsanlagen? In: Varia neolithica IV, 2006, ISBN 3-937517-43-X.

Im Netz[VE | Weakln]