Fleischpflanzal

Aus Wikipedia
Wexln zua: Navigation, Suach
A „Faschiads Loabal“ aus Östareich

Fleischpflanzal (in Oltbayern), Fleischkejchla (in nordboarischn Raum), Fleischloabal oder Fleischlaabal (in Esterraich) san vamuatle oans vo de Speisn, de in da Wäid am meistn vaschiedene Nam trogd.

Heagstäid weans aus am gschabtn (heidzdog duachdrahtn) Fleisch, am Hackfleisch mid Gwüaz. Ois Fleisch konn ma praktisch a jeds heanemma, es gibt sogor Leid, de macha Fleischpflanzal aus Fisch. Um des Fleisch zum strecka oda bessa z'bindn gibt ma gean no a Oar und eigwoachte Semme, Mäih oda Semmebräsl dazua.

Wäidbekannt san de Fleischpflanzl ois Fast-Food worn ois Hauptbestandteil vom Hambuaga, eigantle a warme Fleischpflanzlsemme.

In Baiern isst ma Fleischpflanzl gerna ois Hauptspeis mid am Katoffebrei und am Kraud oder am Gmias oda koid ois Brotzeid, aa in na Semme ois Fleischpflanzlsemme.