Gmias

Der Artikl is im Dialekt Südostobaboarisch gschrim worn.

Gmias

Gmias san Pflanzna oda Taile davo, de wo ma ois Mensch essn ko. Des Woat Gmias is a kulinarischa Begriff, koa botanisch aidaitige Definizion. Desweng is de Ågrenzung aa vo Tradiziona und kuitureie Aschpekt ohengig und werd oft subjektiv troffa. Olle Taile vo Pflanzn, de ned vahoizn, sondan noch oam oda mehrare Joahr obahoib vo da Erdn obsterm, kennan Gmias gnennd wern. Schwammerl zäid ma noamalawais aa zum Gmias dazua. Andrasaits wean Niss, Kraidln und Gwiaz und des, wos kulinarisch unta Obst lafft, ned zum Gmias grechnd. Droad im Sinn vo Kerndln, aus dene ma a Mäi mocht, genauaso Rais, werd ned ois am Gmias zuagherig empfundn. Maiskoim, de botanisch aa zum Droad zäin, wern dageng scho ois Gmias wahrgnumma.

Ågrenzung zum Obst

De Ågrenzung zwischn Obst und Gmias is ned ollawei aidaitig. Zerschtamoi zäin zum Obst hauptsächle de Taile voara Pflanzn de ma in da Botanik Frucht nennd. Bei de Tomatn und de Guakn gehts oba scho los. Botanisch sand des Fricht, kuiturej gseng zäid mas zum Gmias.

Gmias is maisdns blos oajarig oda de Planzn trogt jenfois blos oamoi. As Obst dageng kimmt eha vo Baama und Streicha, de vahoizn und wiedahoid an Ertrog bringa.

Ois Ohoitspunkt ko ma aa nemma, dass Gmias eha kocht werd, wo ma Obst eha ohne waidane Vaarbatung essn ko, wails scho vo si aus gschmakig is, maisdns siass oda saua. Gmias schmeckt teilweis ned so aromatisch, desweng duat ma oft aa nu a Gwiaz, wia Kraidln oda Gwiazpuiva, eine. Des mittlhochdaitsche Woat gemüese hod se vo dem Woat Mus obgleit', wos nix andas hoasst wia "Brei aus kochte Pflanzn".

Im Judndum is de Untascheidung aa wichtig wei ma je nochdem an andan Segn iba des Essn sprecha duad.

Gliedarung

Fia jedn botanischn Teil vo da Pflanzn ko ma a Reihe Gmias ois Beispui nenna.

Wurzl 

Raner/Route Roum, Gäibe Ruam, Radi, Kre(n)

Zwiwe 

Zwiwen, Gnofi

Knojn 

Eadepfe/Erbirn/Grumbirn, Koirabe

Stengl 

Spargl

Bladdln 

Solod, Porree, Kraut/Koi

Bleame 

Bleamekoi/Karfiol

Sama 

Eabsn, Bohna

Frucht 

Tomatn/Paradaisa, Guakn/Gugumer/Kimerling, Kiabis

Listn vo Gmias

Büdl	Lemma	Synonyme	botanische Bezeichnung	deitsche Wikipedia
	Radi	Bier-Radi	Raphanus sativus var. albus	de:Rettich
	Kren		Armoracia rusticana	de:Meerrettich
	Gelbe Ruam	Karottn, göbe Ruam, Mearl, Muakn, Muakal	Daucus carota subsp. sativus	de:Karotte
	Ranna	Rauna, rote Ruam	Beta vulgaris subsp. vulgaris	de:Rote Bete
	Zelina	Sellari, Zölla, Zeller	Apium graveolens	de:Echter Sellerie
	Schwoazwuazn		Scorzonera hispanica	de:Garten-Schwarzwurzel
	Petersil-Wuaz	Pädasü-Wuazn	Petroselinum crispum	de:Petersilie