Gebetsmui

Mo mit oana Gebetsmui z Tibet

A Gebetsmui (aa: Mani-Mui; tib.: ma ni 'khor lo) is a Radl oda a Woizn, wo auf oana Papiaroin aufdruckte Gebete oda Mantras enthoid. Noch da Tradition vom Tibetanischn Buddhismus hod so a Gebetsmui an sejm Effekt wiara gsprochans Gebet.

Gebetsmuin wean in da Regl mit da Hand bewegt. Es gibt owa aa Gebetsmuin, wo af ondare Energiequejn - wia Wind- und Wossakroft beispuisweis - zruckgreifa.

Redewendung

Im iwatroganen Sinn vawend ma af boarisch an Begriff gebetsmuinoartig fias monotone und ständige Wiedahoin vo de sejm unhoitboarn Argumente.

Biacha

• Alwin Hunter: Tibetan Prayer Wheels. Arts of Asia, vol. 15, no. 1 (January/February 1985), p. 74-81.
• William Simpson: The Buddhist Praying Wheel. London, 1896

Im Netz

Commons: Gebetsmui – Buidl, Videos und/oda Audiodatein

• Literatua iwa Gebetsmui in Bibliothekskatalogn: DNB, GBV
• dharma-haven.org: Prayer Wheels (englisch)
• Internetgsteiate Gebetsmui