Grundkräft fu da Physik

De Grundkräft fu da Physik san de Kräft, dene olle physikalischen Phänomene in da Natur zugrunde ling. D' Physik kennd via Grundkräft:

• De stoake Wechslwiakung
• De schwoche Wechslwiakung
• De elektromagnetische Wechslwiakung
• De Gravitation

A Fünfte Kraft hod bishea ned nochgwiesn wean kina.

In da klassischn Physik san de Kraftgesetze fiad Gravitation und d' elektromagnetische Wechslwiakung ois Axiome betrochd woan. In da Quantenfäidtheorie dageng wean olle via Kräfte aufn Austausch vo virtuäie Bosonen zruckgfüad. Des ged füad stoake, d' schwoche und elektromagnetische Wechslwiakung (Standardmodäi). A konsistente Quantenfäidtheorie füad Gravitation (Quantengravitation) existiad bis jetz nu ned.

De stärkn dea Kräfte nähan se mid zuanemenda kinetischa Energie da Teilchen, zwischen denes wiakn, einanda o. Man gäd davo aus, dass de via Grundkräfte bei extrem hoahe Energien, wia direkt nachm Urknall, gleich stoak woan.

Stoake Wechslwiakung

• bindt olle Hadronen (Baryonen und Mesonen, aiso de aus Quarks aufbaudn Teilchen) anananda und is indirekt fian Zammahoid da Atomkean vaantwoatlich (de Keankraft stäid nua a Restwechslwiakung da eigntlichen stoakn Kraft do, Äquivalent zua Van-der-Waals-Wechselwirkung in Moleküle).
• rechd kuaze Reichweitn vo 2,5·10⁻¹⁵ m, wei de zuakerige Foabladung auf gräßane Distanzen ned "nackt" autritt (schausd Confinement)
• stäaksde olla bekanntn Wechslwiakungen
• Austauschteilchen san de Gluonen

Schwoche Wechslwiakung

• vaantwoatlich fia bestimmte radioaktive Zafoisprozesse (z. B. Betazafoi), aba a wichtig beim Kernfusionsprozess in da Sun.
• rechd kuaze Reichweitn vo 10⁻¹⁸ m aufgrund massiva Austauschteilchen
• im Vagleich zua stoakn Wechslwiakung 10⁻¹³-mal so stoak
• Austauschteilchen san de Bosonen Z⁰, W⁺ und W⁻

Elektromagnetisch Wechslwiakung

• vaantwortlich fiad meistn oitäglichn Phänomene (Licht, Elektrizität und Magnetismus, Chemie, Festköapaeignschaftn, …)
• unendliche Reichweitn (alladings kompensian se üblichaweis positive und negative Lodunga rechd exakt)
• ko oziangd und obstoßnd wiakn, je noch Voazeichn da beteiligtn Lodunga.
• im Vagleich zua stoakn Wechslwiakung 10⁻²-mal so stoak
• Austauschteilchen is as Photon

Gravitation

• dominiad de groaßreimign Struktuan vom Universums weis ned obschiamboa is (wiakt imma oziangd)
• unendliche Reichweitn
• schwächste olla Wechslwiakungen
• im Vagleich zu stoakn Wechslwiakung nua 10⁻³⁸-mal so stoak
• postuliads, bisland ned nochgwiesns Austauschteilchen is as Graviton
• postuliade Wiakung duach olle in da Stringtheorie postuliadn, bislang ned nochgwiesnen, Raumdimensionen

Im Web

• De 4 Wechslwiakungen (Grundkräfte), guad eakläad