Gugerschecken
Aus Wikipedia
| Der Artikl is im Dialekt Weanarisch gschrim worn. |
| Klassifikazion noch 'm ICD-10 | ||
|---|---|---|
| L81.2 | Epheliden Gugerschecken |
|
| ICD-10 online | ||
Gugerschecken oda Summasprossn (aa Gugaschecken', Gugascheckn; westmittlboarisch Roosmugga, Roosmuggn, Summamirl, Summascheckn, Summafleckn; griachisch ἔφηλις – Ephelis, im Plural Ephelides vo gr. epi – ἐπί „bei“ und hēlios – ἥλιος „Sunn“) san göblich, brainliche Fleckn auf da Haut, de wos bsundas bei Menschn mit ana blondn oda rodn Hoafoab und hölla Hautfoab vuakumma.
Inhoitsvazeichnis |
[dro werkln] Heakumft vo de Naum
Da Naum kummt vo "Gucker" oda "Gugga, des wos fia "Augn" stähd und "Scheckn", des wos Fleck haßt. Gucker kennt owa aa vo Kuckuck kumma, dea wos bekanntlich an fleckadn Bauch hod.[1] Sommasprosnn haßns, wäus im Summa spriassn. Summamirl bedeit desöwe wia Summafleckn (merlen = Fleckn mochn)[2].
[dro werkln] Entstehung
Gugerschecken san Pigmentoblogarungen, de oft eascht entstengan, waun de Haut da Sunn ausgsetzt is, drum weans aa no Summasprossn gnennt. Bei maunchn Menschn vablossns im Winta oda vaschwindn gaunz. Mit Soibm, de wos de Haut aufhön duan oda mit Lasabehaundlung kaun ma Gugerschecken eleminian. Summasprossn san owa aa Normvariantn, de wos duachaus eanan Reiz hom kenna.
Gugerschecken entstengan duach sognennde "Melanozyten", de wos afoch vastäakt "Melanin" produzian (Hyperpigmentiarung). Des Melanin wiad in de umliegandn "Keratinozyten" a Zeit laung gspeichad. Im Gegnsotz zu de Muaddamoin (Lebafleckn) kummts ned zu ana lokaln Vameahrung vo de Melanozyten. Se entstengan woahscheinlich duach a aungeborane Genvariantn im Melanocortin-1-Rezeptor, dea wos fia de Haut- und Hoafoab vaauntwoatlich is.[3]. Gaunz sötn kenna Summasprossn a Symptom vo ana Systemerkrankung sei ("NAME-Syndrom"), meistns in Kombination mit aundan Hautvaänderungen.
[dro werkln] Fußnoten
- ↑ Deutsches Wörterbuch von Jacob Grimm und Wilhelm Grimm. 16 Bde. [in 32 Teilbänden]. Leipzig: S. Hirzel 1854-1960 - obgruafn am 28. Juni 2009
- ↑ Deutsches Wörterbuch von Jacob Grimm und Wilhelm Grimm. 16 Bde. [in 32 Teilbänden]. Leipzig: S. Hirzel 1854-1960 - obgruafn am 28. Juni 2009
- ↑ Bastiaens M et al.: The melanocortin-1-receptor gene is the major freckle gene.; Hum Mol Genet. 2001 Aug 1;10(16):1701-8 PMID 11487574
[dro werkln] Netzseitn
| Commons: Gugerschecken – Buidl, Videos und/oda Audiodatein |
 |
Bittschee den Hiweis zu de Gsundheitsthemen beochtn! | |
