Liptauer
Aus Wikipedia
| Der Artikl is im Dialekt Weanarisch gschrim worn. |
Liptauer is a pikanta Brotaufstrich aus da ungarischn und österreichischn Kuchl. Dea Liptauer is a typische Speisn fian Heirign. Da Naum kummt vo da slowakischn Region Liptau, de bis 1918 zum Ungarischn Känigreich in Österreich-Ungarn ghead hod.
An Liptauer mocht ma heit aus Topfn, dea wos mit Butta zu ana Creme variaht wiad. Des ungarische Original hod ma aus Brimsen, an gsoizanan Frischkaas aus Schofsmüch, gmocht. Dazua kummt in da urspringlichn, bailichn Foam no Paprika, Kümme, Pfeffa und griebane Zwüfen. Heit kumma oft no Kapern, Semf und kla gschnittane Guakaln dazua. Da Liptauer wiad ois Brodaufstrich oda ois Dip serviat.
