Moloch

Aus Wikipedia
Wexln zua: Navigation, Suach
Da Moloch, ois feiriga Stiagod, im legendärn Stummfuim Cabiria, 1914 (noch am Roman vom Gustave Flaubert)

Moloch oda Molok is a oida semitischa God, bsundas vo de Phenizia bzw. Kanaanita. Durch de Bibe is aa de Bezeichnung fia Menschnopfa worn, und zwor ois Kindaopfa durch Feia.

In da rabbinischn Tradition is da "Moloch" a Bronzestatue mit Stiaschädl gwen, de wos im Kult duach a Effnung mit Feia aufghoazt worn is.

Mythologisch is da Moloch mitn Goidan Kaiwal und mitn griachischn Minotaurus vawandt, owa aa mit da Deifevorstellung im Christentum (vgl. Herndl, Huaf und Feia).

Da Moloch kimmt in da Literatur efta vur, z.B. im Theatastickl Der Moloch ("Da Moloch") vom Friederich Hebbel, wo de Landung vum Moloch in Deitschland dramatisiert werd. Da Gustave Flaubert hod seim Roman Salammbô den Opfaritus behandlt. Dea Roman is de Grundlog firn legendärn Stummfuim Cabiria vom D'Annunzio.

Im heiting Sprochbrauch wead Moloch im obwertandn Sinn vawendt; z.B. ois oisvaschlingande Großstod oda ois Unkostnfressa.

Schau aa[VE | Weakln]

Literadua[VE | Weakln]

  • George C. Heider: The Cult of Molek. A Reassessment, Department of Biblical Studies, The University of Sheffield, Sheffield: 1985, ISBN 1-85075-018-1
  • John Day: Molech. A god of human sacrifice in the Old Testament, Cambridge University Press, Cambridge: 1989, ISBN 0-521-36474-4
  • Brown, S.: Late Carthaginian Child Sacrifice and Sacrificial Monuments in Their Mediterranean Context, The American Schools of Oriental Research. 1991

Im Netz[VE | Weakln]

 Commons: Moloch – Sammlung vo Buidl, Videos und Audiodateien