Montanismus

Da Montanismus is a prophetische Bewegung in da Antike gwesn, de etwa in da Mittn vom 2. Jahrhundat aus'm Christntum havorganga is und si seiba aa „Neie Prophetie“ ghoaßn hot. Da Nama „Montanismus“ kimmt vo Montanus, da Anführa vo da Gruppm gwesn is. Weitare wichtige Gstaltn vo diesa Bewegung san Priska / Priscilla und Maximilla, de Prophetinnen gwesn sei solln. Späta is da Montanismus ois Häresie vaurteilt worn.

Merkmale

De wichtigstn Merkmale vom Montanismus san de Erwartung vo da unmittlbar bevorstehndn Wiedakunft Christi, de strenga asketischn Fordarungen (Fastn, Ehelosigkeit usw.) und bsondas de Betonung vo da Prophetie gwesn.